ഇന്ത്യൻ പ്രീമിയർ ലീഗിൽ ക്യാപ്റ്റൻമാരായി പരസ്പരം മത്സരിക്കുന്ന ആദ്യ സഹോദര ജോഡികളാണ് ഹാർദിക് പാണ്ഡ്യയും ക്രുണാൽ പാണ്ഡ്യയും. ഗുജറാത്ത് ടൈറ്റൻസും ലഖ് നൗ സൂപ്പർ ജയന്റസും തമ്മിലുള്ള മത്സരത്തിൽ ഇരുതാരങ്ങളും തങ്ങളുടെ ടീമുകളെ നയിക്കും.
നിലവിലെ ചാമ്പ്യൻമാക്കെതിരെ ടോസ് നേടിയ ക്രുനാൽ ബൌളിംഗ് തിരഞ്ഞെടുത്തു. കുടുംബത്തിന് ഇതൊരു അഭിമാന ദിവസമാണെന്നും രണ്ടു സഹോദരൻമാരും തങ്ങളുടെ ഐപിഎൽ കളിക്കുമ്പോൾ അദ്ദേഹത്തിന് ഏറെ സന്തോഷമുണ്ടാവുമെന്നും ഹാർദിക് പാണ്ഡ്യ പറയുന്നു. ഇന്ന് കുടുബത്തിലെ ഒരു പാണ്ഡ്യ തീർച്ചയായും വിജയിക്കും. ഞങ്ങളുടെ കുടുബത്തിന് അത് വളരെ സന്തോഷമാകുമെന്നും പാണ്ഡ്യ മത്സരത്തിന് മുമ്പായി വ്യക്തമാക്കി.
ടോസിന് ശേഷം ഇരു താരങ്ങളും പരസ്പരം ആലിംഗനം ചെയ്യുകയും സൗഹൃദ സംഭാഷണം നടത്തുകയും ചെയ്തിരുന്നു.റോയൽ ചലഞ്ചേഴ്സിന് എതിരെയുള്ള മത്സരത്തിനിടെ കെഎൽ രാഹുലിന് തുടയെല്ലിന് പരിക്കേറ്റിരുന്നു. പരിക്കിനെ തുടർന്ന് രാഹുലിന് സീസണിലെ തുടർന്നുള്ള മത്സരങ്ങളിൽ നിന്ന് പുറത്തായിരുന്നു. തുടർന്നാണ് ക്രുനാലിനെ ലഖ് നൗ ക്യാപ്റ്റനായി നിയമിച്ചത്.
Read more
ഇന്നത്തെ മത്സരത്തിൽ ഹാർദിക്കിന്റെ നിർണായകമായ ക്യാച്ച് എടുത്തത് ക്രുനാൽ ആണെന്നുള്ളതും ഏറെ കൗതുതൃകകരമാണ്. കഹാർദിക് പാണ്ഡ്യയും ക്രുണാൽ പാണ്ഡ്യയും ഏറെ ആരാധകരുള്ള താരങ്ങൾ കൂടിയാണ്. ഇരുവരും ദാരിദ്യത്തിൽ നിന്നും പരിശ്രമം കൊണ്ട് ഇന്ത്യൻ ക്രിക്കറ്റ് ടിമിൽ ഇടം പിടിച്ച സഹോദരങ്ങൾ.
