ബോർഡർ-ഗവാസ്‌കർ ട്രോഫി 2024-25-ന് മുന്നോടിയായി, ഇന്ത്യയുടെ സ്പിന്നർ രവിചന്ദ്രൻ അശ്വിൻ വർഷങ്ങളായി ഓസ്‌ട്രേലിയയുടെ എയ്‌സ് ബാറ്റർ സ്റ്റീവ് സ്മിത്തുമായുള്ള തൻ്റെ നേർക്കുനേർ പോരാട്ടങ്ങളെക്കുറിച്ച് സംസാരിച്ചിരിക്കുകയാണ്. നവംബർ 22ന് പെർത്തിൽ ആണ് ഇരുടീമുകളും ഏറ്റുമുട്ടുന്ന ആദ്യ മത്സരം നടക്കുന്നത്.
അശ്വിനും സ്മിത്തും തമ്മിലുള്ള പോരാട്ടമാണ് ഈ പരമ്പരയിൽ ആരാധകർ ഏറെ പ്രതീക്ഷയോടെ കാത്തിരിക്കുന്നത്. അവരുടെ ആദ്യ ടെസ്റ്റ് പോരാട്ടങ്ങളിൽ സ്മിത്ത് ആധിപത്യം നേടിയപ്പോൾ സമീപ വർഷങ്ങളിൽ അശ്വിൻ കൂടുതൽ വിജയങ്ങൾ ആസ്വദിച്ചു.
തങ്ങളുടെ മത്സരത്തിൻ്റെ വിവിധ ഘട്ടങ്ങളെക്കുറിച്ച് സംസാരിച്ച അശ്വിൻ ഇങ്ങനെ പറഞ്ഞു:
“പ്രത്യേകിച്ച് സ്പിന്നിനെതിരായ ഒരു കളിക്കാരനെന്ന നിലയിൽ ആകർഷകമായ രീതിയിൽ കളിക്കുന്ന ഒരാളാണ് സ്റ്റീവ് സ്മിത്ത്. അവൻ വളരെ ചിന്തിക്കുന്ന ഒരു ക്രിക്കറ്റ് കളിക്കാരനാണെന്ന് ഞാൻ കരുതുന്നു. അവൻ എപ്പോഴും നിങ്ങളെ ആകർഷിക്കാൻ ആഗ്രഹിക്കുന്നു. പക്ഷേ, അവനു അതുല്യമായ പരിശീലന രീതികളും അതുല്യമായ വഴികളും ഉണ്ട്. ഒരു ബൗളർ എന്ന നിലയിൽ അവനോട് പോരാടുന്നത് ആവേശം സമ്മാനിക്കുന്നു.”
അദ്ദേഹം കൂട്ടിച്ചേർത്തു:
“ആദ്യ കാലങ്ങളിൽ സ്മിത്ത് എനിക്ക് എതിരെ ആധിപത്യം നേടി. എന്നാൽ പിന്നീട് ഞാൻ അവനെതിരെ ആധിപത്യം നേടി വിജയം സ്ഥാപിച്ചു.”
Read more
2013 നും 2017 നും ഇടയിലുള്ള ടെസ്റ്റുകളിൽ, അശ്വിനെതിരെ സ്മിത്ത് 116 ശരാശരിയിൽ 348 റൺസ് നേടിയപ്പോൾ 570 പന്തിൽ മൂന്ന് തവണ മാത്രമാണ് പുറത്തായത്. എന്നിരുന്നാലും, 2020 മുതൽ 2023 വരെ അദ്ദേഹത്തിനെതിരെ ഓസീസ് ബാറ്റർ ശരാശരി 17.2 മാത്രമാണ്. ഈ കാലയളവിൽ 5 തവണ താരത്തെ പുറത്താക്കുകയും ചെയ്തു.
