സിംബാബ്‌വെ സൂപ്പര്‍ ബാറ്റ്‌സ്മാന്‍ ബ്രണ്ടന്‍ ടെയ്‌ലര്‍ അന്താരാഷ്ട്ര ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചു. 34കാരനായ ടെയ്‌ലര്‍ അടുത്ത ദിവസം അയര്‍ലണ്ടിനെതിരെ നടക്കുന്ന മത്സരത്തോടെയാണ് 17 വര്‍ഷം നീണ്ട കരിയര്‍ അവസാനിപ്പിക്കുന്നത്.
2004ല്‍ ആയിരുന്നു ടെയ്‌ലര്‍ സിംബാബ്‌വെക്കായി അരങ്ങേറ്റം കുറിച്ചത്. 204 ഏകദിന മത്സരങ്ങളില്‍ നിന്ന് 6677 റണ്‍സ് ടെയ്‌ലര്‍ നേടിയിട്ടുണ്ട്. ഇതില്‍ 11 സെഞ്ച്വറികളും 39 അര്‍ദ്ധ സെഞ്ച്വറികളും നേടിയിട്ടുണ്ട്. 145* റണ്‍സാണ് ഉയര്‍ന്ന സ്‌കോര്‍.
Read more
24 ടെസ്റ്റ് മത്സരങ്ങളില്‍ നിന്ന് 2320 റണ്‍സാണ് ടെയ്‌ലറിന്റെ സമ്പാദ്യം. ഇതില്‍ ആറ് സെഞ്ച്വറികളും 12 അര്‍ദ്ധ സെഞ്ച്വറികളും ഉള്‍പ്പെടും. 45 ടി20യില്‍ നിന്ന് 934 റണ്‍സും താരം നേടി.
