ഭരണപക്ഷത്തിനും പ്രതിപക്ഷത്തിനും മുന്നറിയിപ്പുമായി ഓര്‍ത്തഡോക്സ് സഭ പ്രമേയം. രാഷ്ട്രീയ പാര്‍ട്ടികളോടുള്ള സമദൂരം അവസാനിപ്പിക്കാന്‍ തീരുമാനിച്ചാല്‍ ചിലര്‍ വീഴുമെന്നും ചിലര്‍ വാഴുമെന്നും ഓര്‍ത്തഡോക്സ് സഭ പ്രമേയത്തിലൂടെ മുന്നറിയിപ്പ് നല്‍കിയിട്ടുണ്ട്. ഭരണപക്ഷത്തിനും പ്രതിപക്ഷത്തിനും പ്രമേയത്തില്‍ വിമര്‍ശനവും രേഖപ്പെടുത്തിയിട്ടുണ്ട്.
സംസ്ഥാന സര്‍ക്കാരും, പ്രതിപക്ഷവും മലങ്കര സഭയില്‍ സമാന്തരഭരണ നീക്കത്തിന് പിന്തുണ നല്‍കുന്നുവെന്നാണ് ഓര്‍ത്തഡോക്സ് സഭ പ്രമേയത്തിലെ കുറ്റപ്പെടുത്തല്‍. യാക്കോബായ സഭയിലെ പുതിയ കാതോലിക്കാ വാഴിക്കലിനെ ശക്തമായ രീതിയില്‍ തന്നെ ഓര്‍ത്തഡോക്സ് സഭ എതിര്‍ത്തിരുന്നു. ഇതിനെ പരോക്ഷമായി പിന്തുണയ്ക്കുന്ന സംസ്ഥാന സര്‍ക്കാരിനെയും സഭാ വിമര്‍ശിച്ചിരുന്നു.
Read more
വ്യാഴാഴ്ച ചേര്‍ന്ന മാനേജിംഗ് കമ്മിറ്റി യോഗം കടുത്ത നിലപാടുകളിലേക്ക് കടക്കുകയായിരുന്നു. പ്രതിപക്ഷം വിഷയത്തില്‍ സ്വീകരിക്കുന്ന നിലപാടുകള്‍ക്കും സഭ കടുത്ത ഭാഷയില്‍ വിമര്‍ശനം ഉന്നയിച്ചു. തുടര്‍ന്ന് മാനേജിംഗ് കമ്മിറ്റി യോഗത്തിലെ നിലപാടുകള്‍ ഉള്‍പ്പെടുത്തി പ്രമേയവും പാസാക്കുകയായിരുന്നു.
