സൂപ്പർ കപ്പിൽ കേരള ബ്ലാസ്റ്റേഴ്സിന് സൂപ്പർ തുടക്കം. ഷില്ലോങ് ലജോങ്ങിനെ ഒന്നിനെതിരെ മൂന്ന് ഗോളുകൾക്ക് തകർത്തെറിഞ്ഞാണ് കേരളം ലീഗിലെ ആദ്യ മത്സരം തന്നെ കളറാക്കിയത്. ബ്ലാസ്റ്റേഴ്സിനായി പെപ്ര രണ്ട് ഗോളുകൾ നേടിയപ്പോൾ യുവതാരം മുഹമ്മദ് അയ്മൻ ഒരു ഗോൾ നേടി.
തുടക്കം മുതൽ കേരളത്തിന്റെ ആധിപത്യം ആയിരുന്നു മത്സരത്തിൽ കണ്ടത്. സീസണിൽ ഇതുവരെ കാണിച്ച മികച്ച പ്രകടനം കാണിച്ച ബ്ലാസ്റ്റേഴ്‌സ് അതവർത്തിക്കുന്ന കാഴ്ചയാണ് ഇന്ന് കണ്ടത്. ആദ്യം മുതൽ ഇരമ്പിയാർത്ത ബ്ലാസ്റ്റേഴ്‌സ് താരങ്ങൾ ഏതുസമയവും വേണമെങ്കിലും ഗോളടിക്കുമെന്ന തോന്നൽ ഉണർത്തി. അത് ഉറപ്പിക്കുന്ന വിധമായിരുന്ന പെപ്ര നേടിയ ആദ്യ ഗോൾ. ദിമിത്രിയോസിന്റെ പാസ് സ്വീകരിച്ച് ബോക്സിനുള്ളിൽ മനോഹരമായ ഫിനിഷിലൂടെ ഗോൾ ആക്കി. തുടർന്നും ആക്രമിച്ച ബ്ലാസ്റ്റേഴ്സിനായി പെപ്ര തന്നെ ഒരു ഗോൾ കൂടി നേടി. ഇത്തവണ പ്രഭീർ ദാസിന്റെ ക്രോസിന് തലവെച്ചുകൊടുക്കേണ്ട കാര്യം മാത്രമേ ഉണ്ടായിരുന്നോള്ളൂ.
രണ്ട് ഗോൾ വഴങ്ങിയ ശേഷം പതുകെ കളിയിലേക്ക് തിരിച്ചുവന്ന ഷില്ലോങിന് 30 ആം മിനിറ്റിൽ ലഭിച്ച പെനാൽറ്റി ഗോളാക്കി മാറ്റി. ശേഷം അധികം പരിക്കുകൾ ഇല്ലാതെ ബ്ലാസ്റ്റേഴ്‌സ് ഒന്നാം പകുതി അവസാനിപ്പിച്ചു. രണ്ടാം പകുതിയുടെ തുടക്കത്തിൽ തന്നെ അയ്മന്റെ തകർപ്പൻ ഹെഡർ വലയിൽ കയറിയതോടെ ബ്ലാസ്റ്റേഴ്‌സ് ആധിപത്യം കൂട്ടി. പരിചയസമ്പത്തുള്ള ബ്ലാസ്റ്റേഴ്‌സ് പ്രതിരോധനിരയെ പേടിപ്പിക്കാൻ പിന്നെ ഷില്ലോങിന് സാധിക്കാതെ വന്നതോടെ ബ്ലാസ്റ്റേഴ്‌സ് ജയം ഉറപ്പിച്ചു.
Read more
പെനാൽറ്റി വഴങ്ങിയത് ഒഴിച്ചാൽ പ്രതിരോധം അത്ര മികച്ച പ്രകടനമാണ് നടത്തിയത്.
