കഴിഞ്ഞ സീസണില് കോപ്പലാശാന് കിട്ടിയത് മുതലും പലിശയും ചേര്ത്ത് ഡേവിഡ് ജെയിംസ് തിരിച്ചു കൊടുക്കുമെന്ന പ്രതീക്ഷയിലാണ് കേരള ബ്ലാസ്റ്റേഴ്സ് ആരാധകര്. ഇന്ത്യന് സൂപ്പര് ലീഗിലെ കഴിഞ്ഞ സീസണില് നാണം കെടുത്തിയ ചരിത്രത്തിന് പകരം വീട്ടുന്നത് കാണാനാണ് ആരാധകര് കാത്തിരിക്കുന്നത്. ഡിയാഗോ ഫോര്ലാന്റെ നേതൃത്വത്തില് കഴിഞ്ഞ വര്ഷം നവംബര് 19ന് നടന്ന ഐഎസ്എല് മത്സരത്തില് അഞ്ച് ഗോളുകള്ക്കാണ് കേരള ബ്ലാസ്റ്റേഴ്സ് നാണം കെട്ടത്.
സ്റ്റീവ് കോപ്പല് പരിശീലിപ്പിച്ചിരുന്ന ടീമിന്റെ വലയില് മൂന്ന് തവണ സൂപ്പര് താരം ഫോര്ലാന് പന്തെത്തിച്ചപ്പോള് ബ്രിറ്റോ ആല്വസും ലൂസിയാന് ഗോയിയാനും ഓരോ ഗോളുകള് സ്വന്തം പേരിലാക്കി ബ്ലാസ്റ്റേഴ്സിന്റെ നാണക്കേട് പൂര്ണമാക്കി. കഴിഞ്ഞ സീസണിലെ ഓര്മകള് വേട്ടയാടുന്നത് ഈ സീസണില് തീര്ക്കുമോ എന്നാണ് ആരാധകര് ഉറ്റുനോക്കുന്നത്.
Read more
ആദ്യ പാദ മത്സരത്തില് 1-0 ത്തിനു ജയിച്ചതിന്റെ ആത്മവിശ്വാസത്തോടെയായിരുന്നു അന്നു ബ്ലാസ്റ്റേഴ്സ് മുംബൈയില് കളിക്കാനിറങ്ങിയത്. അഞ്ചു ഗോളുകള്ക്ക് നാണം കെടുത്തിയാണ് മുംബൈ അന്ന് ബ്ലാസ്റ്റേഴ്സിനെ മടക്കിയയച്ചത്. അതേസമയം, ഇയാന് ഹ്യൂ്ം ഹാട്രിക്കോട് ഫോമിലേക്കെത്തിയതും വിനീതിന്റെ പരിക്ക് മാറിയതും മധ്യനിരയ്ക്ക് പുത്തന് ഉണര്വേകിയ കെസിറോണ് കിസിറ്റോയും ഇത്തവണ ആ കലിപ്പ് തീര്ക്കുമെന്നാണ് ബ്ലാസ്റ്റേഴ്സ് ആരാധകര് വിശ്വസിക്കുന്നത്.