കര്‍ണാടകയില്‍ ഉയര്‍ന്നുവന്ന ഹിജാബ് വിഷയത്തില്‍ പ്രതികരിച്ച് ഫ്രാന്‍സിന്റെ വിഖ്യാത ഫുട്‌ബോള്‍ താരം പോള്‍ പോഗ്ബ. ഇന്ത്യയില്‍ മുസ്‌ളീം വിദ്യാര്‍ത്ഥികളുടെ മനുഷ്യാവകാശങ്ങള്‍ ഹിന്ദുത്വവാദികള്‍ നിഷേധിക്കുന്നതായി താരം ട്വിറ്ററില്‍ കുറിച്ച പ്രതികരണത്തില്‍ പറയുന്നു. ഈ വിഷയത്തില്‍ ആദ്യമായിട്ടാണ് ഒരു ഫുട്‌ബോള്‍ താരം പ്രതികരിക്കുന്നത്.
ഇന്ത്യയില്‍ ഹിന്ദുത്വവാദികള്‍ ഹിജാബ് ധരിക്കുന്ന മുസ്ലിം വിദ്യാര്‍ഥിനികള്‍ക്ക് എതിരെ തിരിഞ്ഞിരിക്കുകയാണെന്നും അവരുടെ അവകാശങ്ങള്‍ നിഷേധിക്കുകയാണെന്നും മാധ്യമങ്ങള്‍ അടക്കം സമൂഹം മൗനം പാലിക്കുക ആണെന്നും മാഞ്ചസ്റ്റര്‍ യുണൈറ്റഡിന്റെ മിഡ്ഫീല്‍ഡര്‍ പങ്കുവെച്ച പോസ്റ്റില്‍ പറയുന്നു.
Read more
ഹിജാബുമായി ബന്ധപ്പെട്ട സംഘര്‍ഷങ്ങളുടെ സാഹചര്യത്തില്‍ കര്‍ണാടകയിലെ വിദ്യാഭ്യാസ സ്ഥാപനങ്ങള്‍ മൂന്ന് ദിവസത്തേക്ക് അടച്ചിട്ടിരുന്നു. കര്‍ണാടകയിലെ വിദ്യാഭ്യാസ സ്ഥാപനങ്ങളില്‍ വിധി വരുന്നതുവരെ മതപരമായ വസ്ത്രങ്ങള്‍ ധരിക്കരുതെന്ന് ഹൈക്കോടതി നിര്‍ദേശം.
