താന്‍ ബ്ലാസ്റ്റേഴ്‌സിനായി ഗോളടിക്കുമെന്ന് പ്രതീക്ഷിക്കരുതെന്ന് ആരാധകരോട് സൂപ്പര്‍ താരം ദിമിറ്റര്‍ ബെര്‍ബറ്റേവ്. ഗോളടിക്കാന്‍ അവസരം ഉണ്ടാക്കികൊടുക്കുകയാണ് തന്റെ ഉത്തരവാദിത്വമെന്നും മിഡ്ഫീല്‍ഡിലെ പുതിയ റോള്‍ താന്‍ ആസ്വദിക്കുന്നുണ്ടെന്നും ബെള്‍ഗേറിയന്‍ താരം പറയുന്നു.
തന്റെ ഫേസ്ബുക് പേജിലൂടെയാണ് ബെര്‍ബറ്റോവ് ഇക്കാര്യം തുറന്ന് പറയുന്നത്.
“ഞാന്‍ എന്റെ മിഡ്ഫീല്‍ഡിലുള്ള പുതിയ റോള്‍ ആസ്വദിക്കുന്നു, അത് കൊണ്ട് ഞാന്‍ ഗോളടിക്കും എന്ന് പ്രതീക്ഷിക്കരുത് . ഞാന്‍ സഹ താരങ്ങള്‍ക്ക് അവസരങ്ങള്‍ ഉണ്ടാക്കാന്‍ ശ്രമിക്കും ” ബെര്‍ബെറ്റോവ് പറഞ്ഞു.
അതെസമയം ബ്ലാസ്റ്റേഴ്സില്‍ ബെര്‍ബറ്റേവും മറ്റ് ടീമംഗങ്ങളും തമ്മില്‍ ചി അഭിപ്രായ വ്യത്യാസങ്ങള്‍ ഉടലെടുത്തതായും റിപ്പോര്‍ട്ടുകളുണ്ട്. സഹതാരങ്ങളെ പരിഗണിക്കാത്ത ബെര്‍ബറ്റോവിന്റെ സ്വഭാവത്തിനെതിരെ മുതിര്‍ന്ന താരം പരാതിപ്പെട്ടതായും ചില റിപ്പോര്‍ട്ടുകള്‍ പുറത്ത് വന്നിട്ടുണ്ട്.
Read more
കഴിഞ്ഞ മൂന്നു മത്സരങ്ങളിലും സ്വന്തം കാണികള്‍ക്ക് മുന്നില്‍ കളിച്ച് ബ്ലാസ്റ്റേഴ്സ് ഇത് വരെ ആയിട്ട് വിജയിച്ചിട്ടില്ല. അടുത്ത മത്സരം ഗോവക്കെതിരെ അവരുടെ തട്ടകത്തിലാണ്. ഗോളടിക്കാത്തതിന്റെ പേരില്‍ ബെര്‍ബയ്ക്ക് നേരെ വിമര്‍ശനം ഉയരുന്ന പശ്ചാത്തലത്തിലാണ് വിശദീകരണവുമായി ബ്ലാസ്റ്റേഴ്സ് താരം രംഗത്ത് വന്നിരിക്കുന്നത്.
