പോർച്ചുഗൽ സൂപ്പർ താരം ക്രിസ്റ്റ്യാനോ റൊണാൾഡോ യൂറോ 2024ന്റെ ഗ്രൂപ്പ് ഘട്ടത്തിൽ ഗോൾ നേടുന്നതിൽ പരാജയപ്പെട്ടു. കരിയറിൽ ആദ്യമായാണ് ഒരു പ്രധാന അന്താരാഷ്ട്ര ടൂർണമെന്റിന്റെ ആദ്യ റൗണ്ടിൽ ഗോൾ അടിക്കാതെയിരിക്കുന്നത്. ചെക്ക് റിപ്പബ്ലിക്കിനും തുർക്കിക്കുമെതിരായ മത്സരങ്ങളിൽ ഗോൾ അടിക്കാതിരുന്ന ക്രിസ്റ്റ്യാനോക്ക് കോച്ച് റോബർട്ടോ മാർട്ടിനെസ് ഒരു അവസരം കൂടി കൊടുക്കുകയായിരുന്നു.
ഗ്രൂപ്പ് എഫ് ജേതാക്കളായി റൗണ്ട് ഓഫ് 16ൽ പ്രവേശിച്ചിരുന്നെങ്കിലും ജോർജിയക്കെതിരെയുള്ള ക്രിസ്റ്റ്യാനോ ഗോൾ നേടുമെന്ന് ആരാധകർ പ്രതീക്ഷിച്ചിരുന്നു. കളിയിൽ ഉടനീളം 66 മിനിറ്റ് കളിച്ച റൊണാൾഡോ ഏഴ് പാസുകൾ പൂർത്തിയാക്കിയപ്പോൾ ഒരു ഷോട്ട് മാത്രമാണ് ലക്ഷ്യത്തിലേക്ക് തൊടുക്കാൻ സാധിച്ചത്. മത്സരത്തിൽ പോർച്ചുഗൽ 2 – 0ന് ജോർജിയക്കെതിരെ അതിശയകരമായ തോൽവി ഏറ്റുവാങ്ങി.
തൻ്റെ രാജ്യാന്തര കരിയറിൽ ഇതാദ്യമായാണ് റൊണാൾഡോ ഒരു പ്രധാന ടൂർണമെൻ്റിൻ്റെ ഗ്രൂപ്പ് ഘട്ടത്തിൽ ഗോൾ നേടുന്നതിൽ പരാജയപ്പെടുന്നത്. യൂറോയിൽ, 2004 മുതലുള്ള എല്ലാ എഡിഷനുകളുടെയും ആദ്യ റൗണ്ടിൽ അദ്ദേഹം ഒരിക്കലെങ്കിലും ഗോൾ അടിച്ചിട്ടുണ്ട്. ലോകകപ്പിൽ അദ്ദേഹത്തിൻ്റെ എട്ട് ഗോളുകളും ഗ്രൂപ്പ് ഘട്ടത്തിൽ വന്നതാണ്. ലോകകപ്പിൽ നോക്ക് ഔട്ട് റൗണ്ടിൽ ഗോളൊന്നും നേടാൻ റൊണാൾഡോക്ക് ഇതുവരെ സാധിച്ചിട്ടില്ല.
Read more
2023 – 2024 സീസണിൽ സൗദി ക്ലബ് ആയ അൽ നസ്സ്റിനൊപ്പം 50 ഗോളുകൾ നേടി ലീഗിലെ ടോപ് സ്‌കോറർ ആയെങ്കിലും അന്താരാഷ്ട്ര മത്സരങ്ങളിലേക്ക് വരുമ്പോൾ അദ്ദേഹത്തിന്റെ ഫോം മങ്ങിയതാണ്. നോക്കൗട്ട് റൗണ്ടിൽ കഠിനമായ പാതയെ അഭിമുഖീകരിക്കുന്നതിനാൽ ക്രിസ്റ്യാനോയുടെ ഔട്ട്പുട്ട് ആവശ്യമാണ്. ക്രിസ്റ്റ്യാനോ റൊണാൾഡോയും പോർച്ചുഗലും അടുത്തയാഴ്ച യുവേഫ യൂറോ 2024 ലെ റൗണ്ട് ഓഫ് 16ൽ സ്ലൊവേനിയയെ നേരിടും. ഒരു പ്രധാന ടൂർണമെൻ്റിലെ അവരുടെ ആദ്യ ഏറ്റുമുട്ടലാണിത്.
