ഇത്തവണത്തെ യൂറോ കപ്പിൽ മികച്ച പ്രകടനം നടത്തിയ താരങ്ങളിൽ മുൻപന്തിയിൽ നിൽക്കുന്ന കളിക്കാരനാണ് നിക്കോ വില്യംസ്. സ്പെയിനിനു വേണ്ടി ഫൈനലിൽ ഇംഗ്ലണ്ടിനെതിരെ ഗോൾ നേടി മികച്ച പ്രകടനമാണ് താരം നടത്തിയത്. ഫുട്ബോളിൽ ഇപ്പോൾ മികച്ച താരങ്ങൾ എല്ലാം ട്രാൻസ്ഫർ വാങ്ങി മറ്റു ക്ലബുകളിലേക്ക് ചേക്കേറുകയാണ്. അത് കൊണ്ട് തന്നെ നിക്കോ വില്ലിയംസിനെ ക്ലബുകൾ നോട്ടമിട്ടിട്ടുണ്ട്. പ്രധാനമായും ബാഴ്സലോണ തന്നെയാണ് രംഗത്ത് ഉള്ളത്. 58 മില്യൺ യൂറോയാണ് താരത്തിന്റെ റിലീസ് ക്ലോസ്. എന്നാൽ കാര്യങ്ങൾ ഇപ്പോൾ മാറിമറിഞ്ഞു.
നിക്കോ തന്റെ ക്ലബ്ബായ അത്ലറ്റിക്ക് ബിൽബാവോയിൽ തന്നെ തുടരും എന്നാണ് ഇപ്പോൾ കിട്ടുന്ന വിവരങ്ങൾ. കഴിഞ്ഞ ദിവസം ആയിരുന്നു താരം ക്ലബിന്റെ പരിശീലന ക്യാമ്പിലേക്ക് ജോയിൻ ചെയ്യ്തത്. ഇതോടെ താരം ടീം വിടാൻ ഉദ്ദേശിക്കുന്നില്ല എന്നത് ഉറപ്പായി. ഇപ്പോൾ ഈ തീരുമാനം ഒഫീഷ്യലായി കൊണ്ട് പ്രഖ്യാപിക്കപ്പെട്ടിട്ടുണ്ട്. നിക്കോ വില്ലിയംസ് ക്ലബിന്റെ ആരാധകർക്കായി ഒരു സന്ദേശവും പറഞ്ഞിട്ടുണ്ട്.
നിക്കോ വില്ലിയംസ് പറയുന്നത് ഇങ്ങനെ:
“ഞാൻ തിരിച്ചെത്തിയിരിക്കുന്നു. ഈ സീസണിൽ മുന്നോട്ടുപോവാനാണ് ഞാൻ തീരുമാനിച്ചിരിക്കുന്നത്. വാമോസ് അത്ലറ്റിക്ക് “ നിക്കോ വില്ലിയംസ് പറഞ്ഞു.
Read more
കഴിഞ്ഞ ഡിസംബർ മാസത്തിൽ ക്ലബ്ബുമായുള്ള കോൺട്രാക്ട് താരം പുതുക്കിയിരുന്നു. നിലവിൽ 2027 വരെ നിക്കോക്ക് ക്ലബ്ബുമായി കരാർ അവശേഷിക്കുന്നുണ്ട്. താരത്തിനെ ഏറ്റവും കൂടുതൽ വാങ്ങിക്കുവാൻ മുൻപിൽ നിന്ന ടീമുകളാണ് ചെൽസി, ബാഴ്സ, പിഎസ്ജി എന്നി ടീമുകൾ. എന്നാൽ താരം കരാർ പുതുക്കിയതോടെ ഇനി രണ്ട് വർഷത്തേക്ക് നിലവിലെ അത്ലറ്റിക്ക് ബിൽബാവോയിൽ തന്നെ തുടരാനാണ് തീരുമാനം.
