മെസിക്ക് ഇപ്പോൾ അത്ര നല്ല സമയമല്ല. അനുമതിയില്ലാതെ സൗദി സന്ദർശനം നടത്തിയതിന്റെ പേരിൽ പിഎസ്ജിയിൽ നിന്ന് നിലവിൽ സസ്പെന്ഷന് നേരിടുന്ന അര്‍ജന്‍റീന നായകന്‍ ബാഴ്സലോണക്കൊപ്പം നേടിയ നാല് ചാമ്പ്യൻസ് ലീഗ് കിരീടങ്ങളിൽ ഒന്ന് തിരിച്ചെടുത്ത് യുവേഫ. മെസി നേടിയ നാല് ചാമ്പ്യൻസ് ലീഗ് കിരീടങ്ങളിൽ 2006 ൽ നേടിയ കിരീടമാണ് യുവേഫ തിരിച്ചെടുത്തത്. ആഴ്‌സനലിനെ തോൽപിച്ച് ബാഴ്‌സ കിരീടം നേടുമ്പോൾ ആ ഫൈനലിൽ മെസി കളിച്ചിരുന്നില്ല. അതിനാലാണ് യുവേഫ ഒരെണ്ണം തിരിച്ചെടുക്കുന്നത്. 2006, 2009, 2011, 2015 സീസണുകളിലാണ് മെസി ചാമ്പ്യൻസ് ലീഗ് കിരീടം നേടിയത്, ഇതിൽ 2006 ഇനി മുതൽ കണക്കുകളിൽ രേഖപെടുത്തില്ല.
ആ സീസണില്‍ ചാമ്പ്യന്‍സ് ലീഗിലെ ആറ് കളിയിൽ ഒരുഗോളും രണ്ട് അസിസ്റ്റും നേടിയ മെസിക്ക് പ്രീക്വാർട്ടറിൽ ഗുരുതര പരിക്കേറ്റിരുന്നു. അതിനാൽ ശേഷിച്ച മത്സരങ്ങളിൽ നിന്നെല്ലാം മെസി പുറത്തായി. അതിനാലാണ് യുവേഫ ഇപ്പോൾ ഇങ്ങനെ ഒരു നിലപാട് എടുത്തിരിക്കുന്നത്. ഒരു ചാമ്പ്യൻസ് ലീഗ് കിരീടം കൂടി നേടിയാൽ മെസിക്ക് റൊണാൾഡോയുടെ ചാമ്പ്യൻസ് ലീഗ് കിരീടങ്ങളുടെ എണ്ണത്തിന് ഓപ്പണ് എത്താമായിരുന്നു. അപ്പോഴണ് യുവേഫ പണി പറ്റിച്ചിരിക്കുന്നത്.
Read more
നിലവിൽ പി.എസ്.ജിയുമായി കരാറിൽ ഏർപ്പെട്ടിരിക്കുന്ന മെസി അവിടെ അവസാന മത്സരവും കളിച്ച് കഴിഞ്ഞിരിക്കുന്നു എന്ന വിലയിരുത്തലുകൾ സത്യമാണ്. ടീമിലെ പടലപിണക്കങ്ങളും ഇപ്പോഴുള്ള സസ്പെന്ഷന് കൂടി ആയപ്പോൾ മെസി ക്ലബ് വിടാനുള്ള തീരുമാനം എടുത്ത് കഴിഞ്ഞിരിക്കുന്നു. പഴയ തട്ടകമായ ബാഴ്‌സയോ അല്ലെങ്കിൽ സൗദിയിലെ ക്ലബ്ബുകൾ ഏതെങ്കിലുമോ ആയിരിക്കും മെസിയുടെ അടുത്ത താവളം.
