ലോകത്തിലെ ഏറ്റവും മികച്ച ഫുട്ബോൾ താരമാണ് ലയണൽ മെസി. തന്റെ കരിയറിൽ മെസി ഇനി നേടാനായി ഒന്നും തന്നെയില്ല. അവസാന ഘട്ട മത്സരങ്ങൾ അദ്ദേഹം ഇപ്പോൾ ആസ്വദിക്കുകയാണ്. നിലവിൽ താരം ഇപ്പോൾ അത്ര നല്ല സമയത്തിലൂടെയല്ല കടന്നു പോകുന്നത്. ഇപ്പോൾ നടന്ന അമേരിക്കൻ ലീഗിലെ ടൂർണമെന്റിൽ നിന്നും ഇന്റർ മിയാമി പുറത്തായിരുന്നു. ലീഗിൽ കിരീടം നേടാൻ ഏറ്റവും യോഗ്യരായ ടീം ആയിരുന്നു ഇന്റർ മിയാമി.
ടീമിനെ വിജയിപ്പിക്കാൻ സാധിക്കാത്തതിൽ മെസിയെ വിമർശിച്ച് ഒരുപാട് താരങ്ങളും ആരാധകരും രംഗത്ത് എത്തിയിരുന്നു. ആ മത്സരശേഷം ലയണൽ മെസ്സി നേരെ ഡ്രസ്സിംഗ് റൂമിലേക്ക് നടന്നു പോവുകയായിരുന്നു. ആരാധകരെ അഭിവാദ്യം ചെയ്യാൻ അദ്ദേഹം കൂട്ടാക്കിയിരുന്നില്ല, മാത്രമല്ല എതിരാളികൾക്ക് ഷേക്ക് ഹാൻഡ് നൽകാനും അദ്ദേഹം തയ്യാറായിരുന്നില്ല. ഇതിനെതിരെ അമേരിക്കൻ ഇതിഹാസമായ ലണ്ടൻ ഡോണോവൻ രംഗത്ത് എത്തിയിരിക്കുകയാണ്.
ലണ്ടൻ ഡോണോവൻ പറയുന്നത് ഇങ്ങനെ:
“എനിക്ക് അത് ഒട്ടും ഇഷ്ടമായിരുന്നില്ല. അവർക്ക് ഷേക്ക് ഹാൻഡ് നൽകി അഭിനന്ദനങ്ങൾ പറയാമായിരുന്നു. മെസി നേരെ കളം വിടുകയാണ് ചെയ്തത്. ലോക്കർ റൂമിൽ ഒരുപക്ഷേ മെസി അവരെ അഭിനന്ദിച്ചിരുന്നേക്കാം. പക്ഷേ അവിടെ ഇന്റർമയാമി ആരാധകർ ഉണ്ടായിരുന്നു. അവരെ ഒന്ന് അഭിവാദ്യം ചെയ്യാമായിരുന്നു. ഈ സീസണിലെ അവസാനത്തെ മത്സരമായിരുന്നില്ലേ അത്. ഇന്റർമയാമിക്ക് ഇതൊരു മികച്ച സീസൺ കൂടിയായിരുന്നു “ലണ്ടൻ ഡോണോവൻ പറഞ്ഞു.
Read more
ടീം എംഎൽഎസ് ടൂർണമെന്റിൽ നിന്നും പുറത്തായത് മെസിയെ സംബന്ധിച്ച് ഏറ്റവും വിഷമകരമായ സംഭവമാണ്. മാത്രമല്ല അവസാനമായി കളിച്ച മൂന്നു മത്സരങ്ങളിലും അദ്ദേഹം പരാജയപ്പെടുകയാണ് ചെയ്തിട്ടുള്ളത്. ഇന്റർമയാമിയോടൊപ്പം രണ്ടു മത്സരങ്ങളിലും അർജന്റീനക്കൊപ്പം ഒരു മത്സരത്തിലും മെസി പരാജയപ്പെടുകയായിരുന്നു. താരത്തിന്റെ രാജകീയ തിരിച്ച് വരവിന് വേണ്ടിയുള്ള കാത്തിരിപ്പിലാണ് ആരാധകർ.
