യുവ താരങ്ങളിൽ ഏറ്റവും മികച്ച പ്രകടനം നടത്തുന്ന കളിക്കാരനാണ് സ്പാനിഷ് താരമായ ലാമിന് യമാൽ. ക്ലബ് ലെവലിൽ അദ്ദേഹം ബാഴ്‌സയ്ക്ക് വേണ്ടി തകർപ്പൻ പ്രകടനമാണ് നടത്തുന്നത്. ഇന്നലെ നടന്ന മത്സരത്തിൽ സെവിയ്യക്കെതിരെ ഒന്നിനെതിരെ അഞ്ച് ഗോളുകൾക്കാണ് കരുത്തരായ ബാഴ്‌സ അവരെ പരാജയപ്പെടുത്തിയത്. ഗോളുകൾ ഒന്നും നേടിയില്ലെങ്കിലും ഒരു അസിസ്റ്റ് അദ്ദേഹത്തിന് സ്വന്തമാക്കാൻ സാധിച്ചിട്ടുണ്ട്. ഇതോടെ ഈ സീസണിൽ അഞ്ച് ഗോളുകളും ആറ് അസിസ്റ്റുകളും യമാൽ സ്വന്തമാക്കിയിട്ടുണ്ട്.
ചെറിയ പ്രായത്തിൽ തന്നെ ഇത്രയും നേട്ടങ്ങൾ സ്വന്തമാക്കിയ താരമാണ് ലാമിന് യമാൽ. താരത്തെ പുകഴ്ത്തികൊണ്ട് ബ്രസീലിയൻ ഇതിഹാസമായ റിവാൾഡോ രംഗത്ത് എത്തിയിട്ടുണ്ട്. ലോകത്തെ ഏറ്റവും മികച്ച താരമായിട്ടാണ് അദ്ദേഹത്തെ റിവാൾഡോ വിശേഷിപ്പിക്കുന്നത്.
റിവാൾഡോ പറയുന്നത് ഇങ്ങനെ:
“എല്ലാവരും ലാമിൻ യമാലിനെ ഇഷ്ടപ്പെടുന്നു. വളരെയധികം ഇമ്പ്രസീവായ ഒരു താരമാണ് അദ്ദേഹം. യമാൽ എന്നെ തന്നെയാണ് ഓർമിപ്പിക്കുന്നത്. കാരണം ഞാൻ കളിക്കളത്തിലേക്ക് ഇറങ്ങിയാൽ ഫുട്ബോൾ ആസ്വദിക്കും. അതുപോലെതന്നെയാണ് യമാലും. അദ്ദേഹം ഫുട്ബോൾ ആസ്വദിച്ചു കൊണ്ടാണ് കളിക്കുന്നത്.
റിവാൾഡോ തുടർന്നു:
Read more
“17 വയസ്സ് മാത്രമേ ഉള്ളൂ.പക്ഷേ ഒരു 27 കാരനായ താരത്തിന്റെ പക്വതയോടു കൂടിയാണ് അദ്ദേഹം കളിക്കുന്നത്. തീർച്ചയായും അവൻ മികച്ച താരമായി മാറും. യൂറോ കപ്പ് ഇതിനോടകം തന്നെ നേടിക്കഴിഞ്ഞു. തീർച്ചയായും ഒരു ദിവസം ലോകത്തെ ഏറ്റവും മികച്ച താരമായി മാറാൻ അദ്ദേഹത്തിന് കഴിയും ” റിവാൾഡോ പറഞ്ഞു.
