ലോകത്തിലെ ഏറ്റവും മികച്ച ഫുട്ബോൾ താരമാണ് ക്രിസ്റ്റ്യാനോ റൊണാൾഡോ. ഈ സീസണിൽ ഗംഭീരമായി തുടങ്ങാൻ താരത്തിന് സാധിച്ചിട്ടുണ്ട്. ഇന്ന് നേഷൻസ് ലീഗിൽ നടക്കുന്ന മത്സരത്തിൽ പോർച്ചുഗൽ കരുത്തരായ സ്‌കോട്ട്‌ലാന്‍ഡിനെ നേരിടുന്നുണ്ട്. ഇന്ന് രാത്രി ഇന്ത്യൻ സമയം 12:15നാണ് ഈയൊരു മത്സരം നടക്കുക. സ്കോട്ട്ലാന്റിന്റെ മൈതാനത്ത് വച്ചുകൊണ്ടാണ് ഈ മത്സരം അരങ്ങേറുക.
പോർച്ചുഗലിന് വേണ്ടി ക്രിസ്റ്റ്യാനോ റൊണാൾഡോ മത്സരത്തിൽ സ്റ്റാർട്ട് ചെയ്യും എന്നാണ് ഇപ്പോൾ പുറത്തു വരുന്ന റിപ്പോട്ടുകൾ സൂചിപ്പിക്കുന്നത്. ക്രിസ്റ്റ്യാനോയെ കുറിച്ച് ചില കാര്യങ്ങൾ സ്കോട്ടിഷ് താരമായ ചെ ആഡംസ് പറഞ്ഞിട്ടുണ്ട്. ഒരുപാട് പേർ ഫുട്ബോളിനെ ഇഷ്ടപ്പെടാൻ കാരണം റൊണാൾഡോയാണ് എന്നാണ് ഇദ്ദേഹം പറഞ്ഞിട്ടുള്ളത്.
ചെ ആഡംസ് പറയുന്നത് ഇങ്ങനെ:
“പല ആളുകളും ഫുട്ബോളിനെ ഇഷ്ടപ്പെടാൻ കാരണം ക്രിസ്റ്റ്യാനോ റൊണാൾഡോ ആണ്.nഅദ്ദേഹം ഒരു ഫന്റാസ്റ്റിക് ആയിട്ടുള്ള താരമാണ്. പക്ഷേ ഈ മത്സരത്തിൽ ഞങ്ങൾ അദ്ദേഹത്തെ തടയണം. അദ്ദേഹത്തിന്റെ ട്രാക്കിൽ നിന്നും മാറ്റണം. അദ്ദേഹത്തിന് എതിരെ മികച്ച രൂപത്തിൽ കളിച്ച് നിശബ്ദനാക്കണം. എന്നിട്ട് മത്സരത്തിൽ ഞങ്ങളുടെ മുദ്ര പതിപ്പിക്കണം ”ചെ ആഡംസ് പറഞ്ഞു.
നേഷൻസ് ലീഗിൽ കളിച്ച മൂന്നു മത്സരങ്ങളിലും പോർച്ചുഗൽ മികച്ച വിജയമാണ് നേടിയിരിക്കുന്നത്. ആ മൂന്നു മത്സരങ്ങളിലും ക്രിസ്റ്റ്യാനോ റൊണാൾഡോ ഗോളുകൾ നേടുകയും ചെയ്തു. അവസാനം കളിച്ച മൂന്നു മത്സരങ്ങളും സ്കോട്ട്ലാൻഡ് പരാജയപ്പെടുകയായിരുന്നു. അത് കൊണ്ട് ഇന്നത്തെ മത്സരത്തിൽ പോർച്ചുഗലിന് വിജയിക്കാൻ സാധിക്കും എന്നാണ് ആരാധകർ വിലയിരുത്തുന്നത്.
