1989 ല്‍ പാര്‍ലമെന്റിലെത്തുകയും കേന്ദ്രമന്ത്രി , എ ഐ സി സി സെക്രട്ടറി, കെ പി സി സി ജനറല്‍ സെക്രട്ടറി, വര്‍ക്കിംഗ് പ്രസിഡന്റ് , കോണ്‍ഗ്രസ് പാര്‍ലമെന്റി പാര്‍ട്ടി സെക്രട്ടറി തുടങ്ങിയ സ്ഥാനങ്ങളൊക്കെ അലങ്കരിക്കുകയും ചെയ്ത കൊടിക്കുന്നില്‍ കോണ്‍ഗ്രസിലെ സീനിയര്‍ നേതാക്കളിലൊരാളും കെ പി സി സി പ്രസിഡന്റ് സ്ഥാനത്തേക്ക് തികച്ചും അര്‍ഹതയുള്ളയാളുമാണ്. എന്നാല്‍ കേരളത്തിലെ കോണ്‍ഗ്രസിനെ ഇപ്പോള്‍ നയിക്കുന്ന ആരും തന്നെ അദ്ദേഹം ആ പദവിയിലേക്ക് വരുന്നതില്‍ അനുകൂലമല്ല. കൊടിക്കുന്നിലിനെ കെ പി സി സി പ്രസിഡന്റാക്കുന്നതില്‍ ഉമ്മന്‍ചാണ്ടിയും രമേശും മാത്രമല്ല, കെ സി വേണുഗോപാലും വി ഡി സതീശനും വരെ എതിര്‍പ്പായിരുന്നു. കേരളത്തിലെ നേതാക്കളെല്ലാം സംയുക്തമായി എതിര്‍ക്കുമ്പോള്‍ പി്‌ന്നെ കൊടിക്കുന്നിലിനെ പരിഗണിക്കാന്‍ ഹൈക്കമാന്‍ഡിന് കഴിയുകയുമില്ല.
