സോഷ്യല്‍ മീഡിയാസിലൂടെയാണ് സാധാരണ ചിത്രങ്ങളുടെ വിശേഷങ്ങളും ചിത്രങ്ങളും ഫസ്റ്റ്‌ലുക്കും മറ്റും പുറത്തു വിടുക. എന്നാല്‍ അതില്‍ നിന്ന് വ്യത്യസ്തമായി ബോളിവുഡ് ചിത്രം “ബ്രഹ്മാസ്ത്ര”യുടെ ലോഗോ ലോഞ്ചിംഗ് കഴിഞ്ഞ ദിവസം നടന്നു. കുംഭമേള നടക്കുന്ന ഗംഗാനദിക്കു മുകളിലൂടെ പറന്ന് 150 ഡ്രോണുകളാണ് ലോഗോ ലോഞ്ചിംഗ് നിര്‍വ്വഹിച്ചത്. രാത്രിയുടെ മനോഹാരിതയില്‍ ഡ്രോണുകള്‍ വര്‍ണവെളിച്ചത്താല്‍ “ബ്രഹ്മാസ്ത്ര” എന്നു തെളിയിച്ച കാഴ്ച്ച കൗതുകം നിറഞ്ഞതായിരുന്നു.
ബോളിവുഡിലെ പ്രണയജോഡിയായ രണ്‍ബീറും അലിയയും ആദ്യമായി ഒന്നിക്കുന്ന ചിത്രമാണ് ബ്രഹ്മാസ്ത്ര. അതിനാല്‍ തന്നെ ചിത്രത്തിനായി ഏറെ ആകാംക്ഷയോടെയാണ് ആരാധകര്‍ കാത്തിരിക്കുന്നത്. രണ്‍ബീറും അലിയയും സംവിധായകന്‍ അയന്‍ മുഖര്‍ജിയും ലോഗോ ലോഞ്ചിംഗിന് സ്ഥലത്ത് എത്തിയിരുന്നു. വെയ്ക്ക് അപ് സിദ്ദ്, യെ ജവാനി ഹെ ദിവാനി എന്നീ ചിത്രങ്ങള്‍ക്കു ശേഷം അയന്‍ മുഖര്‍ജി സംവിധാനം ചെയ്യുന്ന ചിത്രമാണിത്.
https://www.facebook.com/foxstarhindi/videos/2317675951813185/
Read more
അമിതാഭ് ബച്ചന്‍, നാഗാര്‍ജുന, മൗനി റോയ് എന്നിവര്‍ ചിത്രത്തില്‍ പ്രധാന വേഷത്തിലെത്തുന്നുണ്ട്. കരണ്‍ ജോഹറിന്റെ ധര്‍മ പ്രൊഡക്ഷന്‍സ്, ഫോക്‌സ് സ്റ്റാര്‍ സ്റ്റുഡിയോസ്, നമിത് മല്‍ഹോത്ര എന്നിവര്‍ ചേര്‍ന്നാണ് അയന്‍ മുഖര്‍ജിയുടെ ഡ്രീം പ്രോജക്ടായ ഈ ബിഗ് ബജറ്റ് ചിത്രം നിര്‍മ്മിക്കുന്നത്. ചിത്രത്തിനു മൂന്നു ഭാഗങ്ങള്‍ ഉണ്ടാകും. ആദ്യഭാഗം 2019 ക്രിസ്മസിന് റിലീസ് ചെയ്യും.
