റോഷൻ മാത്യു പ്രധാന കഥാപാത്രമായെത്തുന്ന ബോളിവുഡ് ചിത്രം ഡാർലിംഗ്സിന്റെ ടീസർ പുറത്തിറങ്ങി. ജസ്മീത്ത് കെ. റീനാ സംവിധാനം ചെയ്യുന്ന ചിത്രത്തിൽ നായികയായെത്തുന്നത് ആലിയ ഭട്ടാണ്.
ആലിയ ആദ്യമായി നിർമിക്കുന്ന ചിത്രം എന്ന പ്രത്യേകതയും ‘ഡാർലിങ്സിനുണ്ട്. ആലിയ ഭട്ടിനൊപ്പം റോഷൻ മാത്യു, ഷിഫാലി ഷാ, വിജയ് വർമ്മ എന്നിവരും ചിത്രത്തിൽ കേന്ദ്ര കഥാപാത്രങ്ങളായെത്തുന്നുണ്ട്.
ചിത്രം ഓഗസ്റ്റ് അഞ്ചിന് നെറ്റ്ഫ്‌ളിക്‌സിലൂടെയാണ് റിലീസ് ചെയ്യുക. ഡാർക്ക് കോമഡി വിഭാഗത്തിൽപെടുന്ന ചിത്രം അമ്മയും മകളും തമ്മിലുള്ള ബന്ധത്തിന്റെ കഥയാണ് പറയുന്നത്. ഷിഫാലി ഷായാണ് ആലിയ ഭട്ടിന്റെ അമ്മയായി സിനിമയിൽ എത്തുന്നത്.
ജസ്മീത്ത് കെ. റീനാണ് ചിത്രത്തിന്റെ സംവിധാനം. ആലിയ ഭട്ടിന്റെ എറ്റേണൽ സൺഷൈൻ പ്രൊഡക്‌ഷൻസും ഷാരൂഖ് ഖാന്റെ റെഡ് ചില്ലീസും ചേർന്നാണ് ചിത്രം നിർമിച്ചിരിക്കുന്നത്. വിശാൽ ഭരദ്വാജാണ് സംഗീത സംവിധാനം.
