വധ ഭീഷണി വന്നതിന് പിന്നാലെ ബുള്ളറ്റ് പ്രൂഫ് കാര്‍ വാങ്ങി നടന്‍ സല്‍മാന്‍ ഖാന്‍. അടുത്തിടെയാണ് ഇ മെയില്‍ വഴി സല്‍മാനെതിരെ വധഭീഷണി വന്നത്. തുടര്‍ന്ന് താരത്തിന്റെ സുരക്ഷ മുംബൈ പൊലീസ് വര്‍ദ്ധിപ്പിച്ചിരുന്നു. അതിനാല്‍ തന്നെ ഇന്ത്യന്‍ വിപണിയില്‍ ഇല്ലാത്ത കാര്‍ ആണ് താരം ഇറക്കുമതി ചെയ്തിരിക്കുന്നത്.
ബുള്ളറ്റ് പ്രൂഫ് നിസാന്‍ പട്രോള്‍ ലക്ഷ്വറി എസ്‌യുവി സല്‍മാന്‍ സ്വന്തമാക്കി എന്നാണ് വിവരം. ഈ എസ്യുവിയുടെ ഔദ്യോഗിക ലോഞ്ച് ഇന്ത്യയില്‍ നടന്നിട്ടില്ല. യുഎഇ വിപണിയില്‍ ഏറ്റവും കൂടുതല്‍ ഉപയോഗിക്കുന്ന കാറുകളിലൊന്നാണ് ഇത്.
Also read
‘പഞ്ചാബ് ഗായകനായ സിദ്ധു മൂസെവാലയുടെ ഗതി വരും’ എന്നായിരുന്നു ഭീഷണി. സല്‍മാന്‍ ഖാന്റെ ബാന്ദ്ര ആസ്ഥാനമായുള്ള വസതി പതിവായി സന്ദര്‍ശിക്കുകയും ഒരു ആര്‍ട്ടിസ്റ്റ് മാനേജ്‌മെന്റ് കമ്പനി നടത്തുകയും ചെയ്യുന്ന പ്രശാന്ത് ഗുഞ്ചാല്‍ക്കറാണ് ബാന്ദ്ര പൊലീസ് സ്റ്റേഷനില്‍ ഭീഷണി മെയിലിനെ കുറിച്ച് പരാതി നല്‍കിയത്.
Read more
അതേസമയം, ‘കിസി കാ ഭായ് കിസി കി ജാന്‍’ എന്ന ചിത്രമാണ് സല്‍മാന്റെതായി റിലീസിന് ഒരുങ്ങുന്നത്. ഏപ്രില്‍ 21ന് ആണ് ചിത്രം തിയേറ്ററുകളിലെത്തുക. ഇതിന് ശേഷം ‘ടൈഗര്‍ 3’യും തിയേറ്ററുകളിലെത്തും. ദീപാവലി റിലീസായാണ് ടൈഗര്‍ 3 എത്തുക.
