ഉര്‍ഫി ജാവേദിന് വീണ്ടും വധഭീഷണി. തനിക്ക് ഇമെയില്‍ ആയി വധഭീഷണി ലഭിച്ച വിവരം എക്‌സ് പ്ലാറ്റ്‌ഫോമിലൂടെയാണ് ഉര്‍ഫി പങ്കുവച്ചിരിക്കുന്നത്. നിഖില്‍ ഗോസ്വാമി എന്ന അക്കൗണ്ടില്‍ നിന്നും വന്ന മെയിലിന്റെ സ്‌ക്രീന്‍ ഷോട്ട് ആണ് ഉര്‍ഫി ഷെയര്‍ ചെയ്തിരിക്കുന്നത്.
‘ഭൂല്‍ ഭുലയ്യ’ ചിത്രത്തില്‍ രാജ്പാല്‍ യാദവിന്റെ കഥാപാത്രമായ ഛോട്ടാ പണ്ഡിറ്റിനെ അനുകരിച്ച് ആയിരുന്നു ഉര്‍ഫിയുടെ പുതിയ ഫാഷന്‍ പരീക്ഷണം. ഹലോവീന്‍ പാര്‍ട്ടിക്ക് വേണ്ടിയായിരുന്നു ഉര്‍ഫിയുടെ ഈ പരീക്ഷണം. എന്നാല്‍ മതവികാരം വ്രണപ്പെടുത്തി എന്ന വിമര്‍ശനങ്ങളാണ് ഇതിന് ലഭിച്ചത്.
View this post on Instagram
പിന്നാലെ വധഭീഷണി നിറഞ്ഞ മെയിലുകളും എത്തുകയായിരുന്നു. ”ഈ രാജ്യത്തുള്ളവര്‍ എന്നെ ഞെട്ടിക്കുന്നു. ഒരു സിനിമയിലെ കഥാപാത്രത്തെ റീക്രിയേറ്റ് ചെയ്തതിനെ തുടര്‍ന്ന് എനിക്ക് വധഭീഷണി ലഭിച്ചു” എന്നാണ് സ്‌ക്രീന്‍ ഷോട്ട് പങ്കുവച്ച് ഉര്‍ഫി കുറിച്ചത്.
ഛോട്ടെ പണ്ഡിറ്റ് ആകാന്‍ മഞ്ഞ ധോത്തിയും ചുവപ്പ് കളര്‍ വസ്ത്രവും ധരിച്ച് മുഖം മുഴുവന്‍ ചുവന്ന പെയിന്റും അടിച്ചാണ് ഉര്‍ഫി എത്തിയത്. ഈ ലുക്കിന്റെ വീഡിയോയാണ് താരം പങ്കുവച്ചത്. ”നീ അപ്‌ലോഡ് ചെയ്ത വീഡിയോ ഡിലീറ്റ് ചെയ്‌തേക്ക്, അല്ലെങ്കില്‍ നിന്നെ കൊന്നുകളയാന്‍ അധികം സമയമെടുക്കില്ല” എന്നാണ് ഭീഷണി സന്ദേശത്തില്‍ ഉണ്ടായിരുന്നത്.
Read more
മുമ്പും ഉര്‍ഫിക്കെതിരെ വധഭീഷണി ഉയര്‍ന്നിട്ടുണ്ട്. കഴിഞ്ഞ വര്‍ഷം ഡിസംബറില്‍ ഉര്‍ഫിക്കെതിരെ വധഭീഷണിയും ബലാത്സംഗ ഭീഷണിയും മുഴക്കിയ ഒരാളെ അറസ്റ്റ് ചെയ്തിരുന്നു. ഉര്‍ഫിയുടെ ഫാഷന്‍ ചോയ്‌സുകള്‍ യുവാക്കളെ വഴിതെറ്റിക്കും എന്നാരോപിച്ച് ചേതന്‍ ഭഗത് രംഗത്തെത്തിയത് വിവാദമായിരുന്നു.
