ബോളിവുഡ് സൂപ്പർതാരം ആമിർ ഖാന്റെ ആസ്തി 1800 കോടിക്ക് മുകളിലാണ്. എന്നിരുന്നാലും മകൻ ജുനൈദ് ഖാൻ സഞ്ചരിക്കുന്നത് ഓട്ടോറിക്ഷയിലാണ്. നിരവധി പേരാണ് ജുനൈദിന്റെ ഈ പ്രവൃത്തിയെ പ്രശംസിച്ച് രംഗത്തെത്തിയത്. എന്നാൽ ഇപ്പോഴിതാ ലളിത ജീവിതം തിരഞ്ഞെടുത്തതിനുള്ള കാരണം വ്യക്തമാക്കിയിരിക്കുകയാണ് ജുനൈദ് ഖാൻ. സ്വകാര്യ ജീവിതം നയിക്കുന്നതിനുള്ള സ്വാതന്ത്ര്യം പപ്പ നൽകിയിട്ടുണ്ടെന്നാണ് ജുനൈദ് ഖാൻ പറയുന്നത്.

“സ്വകാര്യ ജീവിതം തെരഞ്ഞെടുക്കുന്നതിന് പപ്പ സ്വാതന്ത്ര്യം നൽകിയിട്ടുണ്ട്. ലളിത ജീവിതം നയിക്കാനാണ് ഞാൻ എപ്പോഴും ആഗ്രഹിക്കുന്നത്, അതിൽ അദ്ദേഹം ഇടപെടാറില്ല. ഞങ്ങളെ അഭിനന്ദിക്കാറുണ്ട്. ഒരിക്കലും അത് ചെയ്യൂ ഇത് ചെയ്യൂ… എന്നിങ്ങനെ നിർദേശിക്കാറില്ല. ഞങ്ങളുടെ ആഗ്രഹത്തിനൊപ്പം സഞ്ചരിക്കാനാണ് അദ്ദേഹം പറയുന്നത്.

പപ്പയുടെ കൈയിൽ എല്ലാത്തിനും പരിഹാരമുണ്ട്. അദ്ദേഹത്തിൽ നിന്ന് ഒരുപാട് കാര്യങ്ങൾ പഠിക്കാനുണ്ട്. സിനിമാ പരാജയങ്ങൾ അദ്ദേഹത്തെ ബാധിക്കുന്നുണ്ട്. എന്നാൽ സമയമെടുത്ത് അതിനെക്കുറിച്ച് പഠിച്ച്, തെറ്റ്സംഭവിച്ചത് എവിടെയെന്ന് കണ്ടെത്തി തിരുത്തി മുന്നോട്ട് പോവുകയാണ് ചെയ്യുന്നത്. അതാണ് ഏറ്റവും നല്ല മാർഗമെന്നാണ് എനിക്കും തോന്നുന്നത്.” എന്നാണ് ജുനൈദ് ഖാൻ 33333 പറയുന്നത്.

അതേസമയം ജുനൈദ് ഖാന്റെ ആദ്യ ചിത്രം ‘മഹാരാജ്’ നെറ്റ്ഫ്ലികസിലൂടെ സ്ട്രീമിംഗ് ആരംഭിച്ചിരുന്നു. നേരത്തെ മതവികാരം വ്രണപ്പെടുമെന്ന ഹിന്ദു വിഭാഗത്തിന്റെ ഹര്‍ജിയിൽ ചിത്രത്തിന്റെ റിലീസ് തടഞ്ഞത് വലിയ വിവാദമായിരുന്നു.

1862ലെ മഹാരാജ് ലിബല്‍ കേസാണ് ചിത്രത്തിന്റെ പ്രമേയം. പുഷ്ടിമാര്‍ഗ് എന്ന ആശ്രമവുമായി ബന്ധപ്പെട്ട് നടന്ന ലൈംഗികാതിക്രമങ്ങളെ കുറിച്ച് വാര്‍ത്ത പ്രസിദ്ധീകരിച്ച നാനാഭായ് റുസ്തംജി റാനീനക്കും ലേഖനമെഴുതിയ കര്‍സന്ധാസ് മുല്‍ജിയ്ക്കും എതിരായി ആത്മീയനേതാവായിരുന്ന യാദുനാഥ്ജി ബ്രിജ്രതന്‍ജി മഹാരാജ് നല്‍കിയ കേസ് ആണ് മഹാരാജ് ലൈബല്‍ കേസ്.

https://youtu.be/37SQEtzeb78?si=IFbEEvVEc0m4tn4z