സിനിമയില്‍ നിന്നും സീരിയലിലേക്ക് എത്തിയ താരമാണ് വരദ. ഇപ്പോള്‍ ടെലിവിഷന്‍ രംഗത്ത് തിളങ്ങി നില്‍ക്കുകയാണ് താരം. അടുത്തിടെയാണ് കൊച്ചിയില്‍ വരദ പുതിയ ഫ്‌ളാറ്റ് സ്വന്തമാക്കിയത്. തനിക്കുണ്ടായ പ്രേതാനുഭവമാണ് വരദ ഇപ്പോള്‍ പങ്കുവെച്ചിരിക്കുന്നത്. പഴയ വീട്ടില്‍ താമസിച്ചപ്പോഴുള്ള അനുഭവത്തെ കുറിച്ചാണ് താരം സംസാരിച്ചത്.
ഫ്ളവേഴ്സ് ചാനലിലെ ഒരു കോടി എന്ന പരിപാടിയുടെ പ്രമോ വീഡിയോയിലാണ് താരം ഇക്കാര്യം പറയുന്നത്. ”ഞാനവിടെ ഒറ്റയ്ക്കായിരുന്നു താമസിച്ചിരുന്നത്. എന്നാല്‍ അവിടെ മറ്റൊരാള്‍ കൂടെ ഉള്ളതായി ഫീല്‍ കിട്ടി തുടങ്ങി. അടുക്കളയില്‍ നില്‍ക്കുമ്പോള്‍ ഗ്ലാസിലൂടെ പുറകിലൂടെ ആരോ നടക്കുന്നതിന്റെ റിഫ്ളക്ഷന്‍ കിട്ടും.”
”പക്ഷെ പോയി നോക്കുമ്പോള്‍ ആരേയും കാണില്ല. രാത്രി മുറിയില്‍ കൊട്ടുന്നത് കേള്‍ക്കാം. പാത്രങ്ങളൊക്കെ താനെ ഇരുന്ന് പൊട്ടും. കുറച്ചൂടെ കഴിഞ്ഞപ്പോള്‍ എന്റെ കയ്യില്‍ നിന്നും പോയി” എന്നാണ് പ്രമോയില്‍ വരദ പറയുന്നത്.
Read more
തൃശൂരിലാണ് വരദയുടെ സ്വന്തം വീട്. താരത്തിന്റെ മകന്‍ തൃശൂരിലാണ് പഠിക്കുന്നത്. മാസങ്ങള്‍ക്ക് മുമ്പാണ് താരം കൊച്ചിയില്‍ ഫ്‌ളാറ്റ് വാങ്ങിയത്. ഭര്‍ത്താവും നടനുമായ ജിഷിനുമായി താരം ഇപ്പോള്‍ വേര്‍പിരിഞ്ഞാണ് താമസിക്കുന്നത്.
