മകളുടെ വിവാഹത്തെ കുറിച്ച് സോഷ്യൽ മീഡിയയിൽ വന്ന ചോദ്യങ്ങൾക്ക് മറുപടി നൽകി നടൻ കൃഷ്ണ കുമാറിന്റെ ഭാര്യ സിന്ധു കൃഷ്ണ. അമ്മയും മക്കളും മാത്രമടങ്ങുന്ന മലേഷ്യൻ യാത്രയിലെ വിശേഷങ്ങൾ പങ്കുവെച്ച വീഡിയോയിലാണ് സിന്ധു കൃഷ്ണ ഇക്കാര്യം പറയുന്നത്. മകൾ ദിയയുടെ വിവാഹത്തെ കുറിച്ച് ഉയർന്ന് വന്ന ചോദ്യങ്ങൾക്കാണ് മറുപടി പറയുന്നത്.
ഒരുപാട് പേർ ക്യൂ ആൻഡ് എ സെഗ്മെന്റിൽ ചോദിച്ച ചോദ്യങ്ങൾ താൻ സ്ക്രീൻഷോട്ട് എടുത്തു വച്ചിട്ടുണ്ട് എന്നും അതിൽ ഏറ്റവും കൂടുതൽ വന്ന ചോദ്യം ഓസിയുടെ കല്യാണം എന്നാണ് എന്നതാണ്. സെപ്റ്റംബറിൽ ഓസിയുടെ കല്യാണം ഉണ്ടാകും എന്നാണ് സിന്ധു കൃഷ്ണ മറുപടി നൽകുന്നത്.
കല്യാണത്തെക്കുറിച്ചുള്ള കൂടുതൽ കാര്യങ്ങൾ ഇനിയുള്ള വ്ലോഗുകളിലോ അല്ലെങ്കിൽ ഓസി തന്നെ വിഡിയോയിൽ ഉൾപ്പെടുത്തും എന്നും സിന്ധു പറഞ്ഞു. കുറച്ചു കൂടി വ്യക്തത വരുത്തിയതിനു ശേഷം അക്കാര്യങ്ങൾ പങ്കുവയ്ക്കും എന്നും സിന്ധു പറഞ്ഞു.
കുറച്ചു മാസങ്ങളായി ദിയ കൃഷ്ണ സുഹൃത്തായ അശ്വിൻ ഗണേഷുമായി പ്രണയത്തിലാണ്. വീണ്ടും താൻ പ്രണയത്തിലായി എന്ന് അറിയിച്ചുകൊണ്ട് ദിയ തന്നെ സോഷ്യൽ മീഡിയയിൽ പോസ്റ്റ് പങ്കുവച്ചിരുന്നു. ദിയയുടെ ഉറ്റ സുഹൃത്തും ട്രാവൽ പാട്‌നറുമെല്ലാമാണ് അശ്വിൻ. കഴിഞ്ഞ വർഷം തന്റെ പ്രണയബന്ധം തകർന്ന വിവരം ദിയ സോഷ്യൽ മീഡിയയിലൂടെ ആരാധകരെ അറിയിച്ചിരുന്നു.
