പാന്‍ ഇന്ത്യന്‍ നായകന്‍ എന്ന് വിശേഷിപ്പിക്കാന്‍ കഴിയുന്ന ഏക നടന്‍ ദുല്‍ഖര്‍ സല്‍മാന്‍ ആണെന്ന് തെലുങ്ക് നടന്‍ നാനി. കിംഗ് ഓഫ് കൊത്ത എന്ന ദുല്‍ഖര്‍ ചിത്രത്തിന്റെ തെലുങ്ക് പ്രീ റിലീസ് ഇവന്റില്‍ സംസാരിക്കുകയായിരുന്നു നാനി.
‘പാന്‍ ഇന്ത്യ എന്ന പദം എനിക്ക് ഇഷ്ടമല്ല. എന്നാല്‍ പാന്‍ ഇന്ത്യന്‍ നടന്‍ എന്ന് വിളിക്കാവുന്ന ഒരേയൊരു നായകന്‍ ദുല്‍ഖര്‍ സല്‍മാന്‍ മാത്രമാണ്. മലയാളം, ഹിന്ദി, തെലുങ്ക്, കന്നഡ, തമിഴ് ഭാഷകളില്‍ നിന്നുള്ള സംവിധായകര്‍ അദ്ദേഹത്തിന് വേണ്ടി കഥകള്‍ എഴുതുന്നു. ദുല്‍ഖറിന്റെ ഓകെ ബംഗാരം (ഓകെ കണ്‍മണി മൊഴിമാറ്റം) എന്ന ചിത്രത്തിന് ഞാന്‍ ശബ്ദം നല്‍കിയിട്ടുണ്ട്. അദ്ദേഹത്തിന്റെ വളര്‍ച്ചയില്‍ എനിക്ക് സന്തോഷമുണ്ട്,’ നാനി പറഞ്ഞു.
” Pan Indian Actor ‘ the First Name came to my mind is Dulquer Salmaan ” #Nani 💯🔥#KingOfKotha #DulquerSalmaan@dulQuer pic.twitter.com/fFuMxGXwSq
— 🄶🄺 (@FrinilF) August 13, 2023
കിംഗ് ഓഫ് കൊത്തയിലൂടെ ദുല്‍ഖര്‍ സല്‍മാന്‍ അടുത്ത ലെവലില്‍ എത്തുമെന്നും നാനി പറഞ്ഞു ജേക്സ് ബിജോയ് മികച്ച സംഗീത സംവിധായകനാണെന്നും ഐശ്വര്യ ലക്ഷ്മി മികച്ച നടിയാണെന്നും നാനി കൂട്ടിച്ചേര്‍ത്തു.
ദുല്‍ഖര്‍ സല്‍മാന്‍ നായകനാകുന്ന പാന്‍ ഇന്ത്യന്‍ ചിത്രമാണ് ‘കിംഗ് ഓഫ് കൊത്ത’. സംവിധായകന്‍ ജോഷിയുടെ മകന്‍ അഭിലാഷ് ജോഷിയാണ് ചിത്രത്തിന്റെ സംവിധാനം. സീ സ്റ്റുഡിയോസും ദുല്‍ഖര്‍ സല്‍മാന്റെ വേഫേറെര്‍ ഫിലിംസും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത് നിമീഷ് രവിയാണ്.
Read more
ദുല്‍ഖറിനൊപ്പം ഷബീര്‍ കല്ലറക്കല്‍, പ്രസന്ന, ചെമ്പന്‍ വിനോദ്, ഷമ്മി തിലകന്‍, ഗോകുല്‍ സുരേഷ്, വടചെന്നൈ ശരണ്‍, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖ സുരേന്ദ്രന്‍ എന്നിവരും പ്രധാന കഥാപാത്രങ്ങളായി എത്തുന്നുണ്ട്. ജേക്സ് ബിജോയ്, ഷാന്‍ റഹ്‌മാന്‍ എന്നിവരാണ് ചിത്രത്തിന് സംഗീതമൊരുക്കുന്നത്.
