ബോളിവുഡിലെ അതീവ ഗ്ലാമറസ് താരമാണ് മല്ലിക ഷെരാവത്ത്. വിദേശത്തേക്ക് താമസം മാറിയതോടെ മല്ലിക ബോളിവുഡില്‍ നിന്നും അകന്നുനില്‍ക്കുകയാണ്. ഇപ്പോഴിതാ ബോളിവുഡ് ബബിളിന് മല്ലിക നല്‍കിയ ഒരു അഭിമുഖമാണ് ഇപ്പോള്‍ ശ്രദ്ധ പിടിച്ചു പറ്റുന്നത്.

‘സിനിമാ രംഗത്തേക്കുള്ള കടന്ന് വരവിനെ കുടുംബം എതിര്‍ത്തതിനെക്കുറിച്ചാണ് മല്ലിക ഷെരാവത്ത് സംസാരിച്ചത്. എന്റെ കുടുംബത്തില്‍ നിന്നും വലിയ എതിര്‍പ്പുകള്‍ നേരിട്ടു. പാട്രിയാര്‍ക്കലായ കുടുംബം ആയിരുന്നു എന്റേത്. അച്ഛനും അമ്മയും സഹോദരും എതിര്‍ത്തു’

‘ആ പ്രായത്തില്‍ അത്ര വിവേകം ഉണ്ടാവില്ല. ഈ ലോകം തന്നെ കീഴടക്കാം എന്ന് കരുതി. ഞാന്‍ നടിയാവും എന്നിട്ട് കാണിച്ച് താരാം എന്ന ചിന്ത ആയിരുന്നു. ഞാന്‍ വീട് വിട്ട് ഓടുകയും ചെയ്തു. ഭാഗ്യത്തിന് എല്ലാം വര്‍ക്ക് ഔട്ട് ആവുകയും ചെയ്തു മല്ലിക പറയുന്നു.

‘പാട്രിയാര്‍ക്കെതിരെയുള്ള എന്റെ പോരാട്ടം ആയിട്ടാണ് എന്റെ പേര് മല്ലിക ഷെരാവത്ത് എന്ന് മാറ്റിയത്. അച്ഛന്‍ പറഞ്ഞു, നീ സിനിമയില്‍ പോയി കുടുംബത്തിന്റെ പേര് മോശമാക്കും നിന്നെ ഞാന്‍ ഉപേക്ഷിക്കുന്നു എന്ന്’

‘ഞാന്‍ പറഞ്ഞു നിങ്ങളാരാണ് എന്നെ ഉപേക്ഷിക്കാന്‍ ഞാന്‍ നിങ്ങളുടെ പേര് തന്നെ ഉപേക്ഷിക്കുകയാണെന്ന്. പകരം അമ്മയുടെ പേരായ ഷെരാവത്ത് എന്ന് ചേര്‍ത്തു,’ നടി പറഞ്ഞു. റീമ ലംബ എന്നായിരുന്നു മല്ലികയുടെ യഥാര്‍ത്ഥ പേര്.