മലയാളത്തിലെ യുവ നടിമാരിൽ ഇന്നും പ്രേക്ഷക മനസിൽ ഇടം നേടിയ നടിയാണ് നസ്രിയ നസീം. വിരലിലെണ്ണാവുന്ന ചിത്രത്തിലെ അഭിനയിച്ചിട്ടുള്ളുവെങ്കിലും പ്രേക്ഷകർക്കിന്നും പ്രിയപ്പെട്ട നടിയാണ് നസ്രിയ. ഇടയ്ക്ക് രണ്ട് ചിത്രങ്ങളിൽ അഭിനയിച്ചിരുന്നെങ്കിയും സജീവമായിരുന്നില്ല. വിവാഹത്തോടെ മലയാള സിനിമയില്‍ നിന്നും ഇടവേള എടുക്കാനുള്ള കാരണത്തെ കുറിച്ച് മനസുതുറന്നിരിക്കുയയാണ് നടി ഇപ്പോൾ.
മലയാളത്തിലെ ഇടവേള തീരുമാനിച്ചെടുത്തതല്ലെന്നായിരുന്നു നസ്രിയ പറഞ്ഞത്. കഥകള്‍ ഇടയ്ക്കിടെ കേള്‍ക്കാറുണ്ടെന്നും ഇഷ്ടപ്പെടുന്നതിനോട് ഓക്കെ പറയാറുണ്ടെങ്കിലും അത്തരത്തില്‍ ഇഷ്ടപ്പെടുന്ന കഥകളൊന്നും തനിക്ക് കിട്ടിയിട്ടില്ലെന്നും സ്റ്റാര്‍ ആന്‍ഡ് സ്റ്റൈലിന് നല്‍കിയ അഭിമുഖത്തില്‍ നസ്രിയ പറഞ്ഞു..‘ കഥകള്‍ കേള്‍ക്കുന്നുണ്ട്. ഇഷ്ടപ്പെടുന്ന കഥകളാണെങ്കില്‍ തീര്‍ച്ചയായും ഓക്കെ പറയും. പക്ഷേ ഇഷ്ടപ്പെട്ടത് കിട്ടിയില്ല എന്ന കാരണത്താല്‍ മാത്രമാണ് ഇടവേളകള്‍ വേണ്ടി വന്നത്.
തന്നെ എക്‌സൈറ്റ് ചെയ്യിപ്പിക്കാത്ത അല്ലെങ്കില്‍ വ്യത്യസ്തത തോന്നിപ്പിക്കാത്ത ഒന്നിനോടും ഓക്കെ പറയാറില്ല. അങ്ങനെയാണ് ഇടവേളകള്‍ ഉണ്ടാകുന്നതെന്നും നസ്രിയ പറഞ്ഞു. അടുത്ത സിനിമയ്ക്കും വലിയ ഇടവേളയുണ്ടാകുമോ എന്ന അവതരകൻ്റെ ചോദ്യത്തിന് ഒരു സിനിമയുടെ കാര്യത്തില്‍ തീരുമാനമെടുക്കാന്‍ എന്തിനാണ് ഇത്രയും സമയം എന്ന് പലരും ചോദിക്കാറുണ്ടെന്നും എന്നാല്‍ വിജയം നേടാത്ത സിനിമയായാല്‍ പോലും തനിക്ക് വിശ്വാസം തോന്നിയവയില്‍ മാത്രമാണ് അഭിനയിച്ചിട്ടുള്ളതെന്നും അത് അങ്ങനെ തന്നെ തുടരുമെന്നുമായിരുന്നു നസ്രിയയുടെ മറുപടി.
Read more
ഓം ശാന്തി ഓശാന’യിലെ കുറുമ്പുള്ള പെൺകുട്ടിയുടെ വേഷമായിരുന്നു തന്റെ ഇഷ്ടകഥാപാത്രം. ഇനിയും അങ്ങനെത്തെ ചിത്രങ്ങൾ വന്നാൽ അഭിനയിക്കും നസ്രിയ പറഞ്ഞു. താൻ എന്ത് ജോലിയും ചെയ്യും ,എന്ത് റോൾ ചെയ്യ്താലും അത് സിനിമയിൽ തന്നെയാകണം എന്നുള്ള നിർബന്ധം മാത്രമേ ഉള്ളു. ഇപ്പോൾ തന്നെ നടി നിർമാതാവ്, പ്രൊഡക്ഷൻ കൺട്രോളർ എന്നി നിലകളിൽ എത്തിയിട്ടുണ്ടെങ്കിലും ഇനിയും സംവിധാനം മേഖലയിലും എത്തണം എന്നാഗ്രഹം ഉണ്ടെന്നും എന്നാൽ ഉടൻ ഉണ്ടാകില്ലന്നും നസ്രിയ കൂട്ടിച്ചേർത്തു.
