വെള്ളിത്തിരയിൽ തെന്നിന്ത്യൻ പ്രേക്ഷകർക്ക് ഏറ്റവും ഇഷ്ടപ്പെട്ട താര ജോഡികളാണ് ദുൽഖർ സൽമാനും നിത്യ മേനോനും. ‘ഉസ്താദ് ഹോട്ടൽ’, മണി രത്നം സംവിധാനം ചെയ്ത ‘ഓക്കെ കണ്മണി’, ‘100 ഡേയ്സ് ഓഫ് ലവ്’ എന്നീ ചിത്രങ്ങളിലൂടെ പ്രേക്ഷകരുടെ മനം കവർന്ന താരജോഡികളാണ് ഇരുവരും.
ഇപ്പോഴിതാ ദുൽഖറിന്റെ കൂടെ വീണ്ടുമൊരു പ്രണയ ചിത്രം ചെയ്യാൻ ആഗ്രഹമുണ്ടെന്ന് വെളിപ്പെടുത്തിയിരിക്കുകയാണ് നിത്യ മേനോൻ. ദുൽഖർ സൽമാൻ റൊമാന്റിക് ഫിലിം ചെയ്യുന്നത് കാണാൻ തന്നെ നല്ല രസമാണ് എന്നാണ് നിത്യ പറയുന്നത്.
View this post on Instagram
“എനിക്ക് ഒരു സിനിമ ദുൽഖറിന്റെ കൂടെ ചെയ്യണമെന്നുണ്ട്. ചിലപ്പോഴൊക്കെ ഞങ്ങൾ മെസേജ് അയക്കാറുള്ളു. നമ്മൾ ഷൂട്ടുമൊക്കെയായി തിരക്കിലാവുമല്ലോ, പക്ഷേ അതിന് ഇടയിലും ഇടക്കെല്ലാം എനിക്ക് മെസേജ് അയക്കാറുണ്ട്.
സിനിമ ചെയ്യണം എന്നുള്ളത് ഞാൻ ദുൽഖറും ഇത് വരെ സംസാരിച്ചിട്ടില്ല. പക്ഷേ എനിക്ക് ദുൽഖറിന്റെ കൂടെ ഒരു പടം ചെയ്യണമെന്നുണ്ട്. ഇനി ദുൽഖറിനെ കാണുമ്പോൾ ചോദിച്ചാൽ മതി.
Read more
റൊമാന്റിക് സിനിമ പിടിക്കുന്നില്ല എന്ന് ദുൽഖർ പറഞ്ഞിരുന്നു. ദുൽഖർ റൊമാന്റിക് ഫിലിം ചെയ്യുന്നത് കാണാൻ തന്നെ നല്ല രസമാണ്. എനിക്കും ദുൽഖറിന്റെ റൊമാന്റിക് സിനിമകൾ ഇഷ്ട്ടമാണ്. പ്രേക്ഷകർക്കും ദുൽഖറിനെ അത്തരത്തിലുള്ള വേഷത്തിൽ കാണാൻ നല്ല ഇഷ്ടമാണ്. റൊമാൻറിക് സ്പേസിലും നമുക്ക് വ്യത്യസ്തമായിട്ടുള്ളത് ചെയ്യാൻ സാധിക്കും. അത്തരത്തിൽ ഒരു സിനിമ ഒരുമിച്ച് ചെയ്യണമെന്നുണ്ട്” ക്ലബ് എഫ്. എമ്മിന് നൽകിയ അഭിമുഖത്തിലാണ് നിത്യ തന്റെ ആഗ്രഹം പ്രകടിപ്പിച്ചത്.
