ശ്രീനിവാസന്റെ തിരക്കഥയിൽ മോഹൻലാൽ അഭിനയിച്ച ഒരു നാൾ വരും എന്ന ചിത്രവുമായി ബന്ധപ്പെട്ട് നടന്ന ചതിയുടെ കഥകൾ തുറന്ന് പറഞ്ഞ് നിർമ്മാതാവ് എസ്.സി പിള്ള. ഒരു നാൾ വരും എന്ന ചിത്രത്തിന് ആദ്യം പദ്ധതിയിട്ടത് തങ്ങളായിരുന്നു. അന്ന് അതിന് ദെെവത്തിന്റെ സ്വന്തം നാട് എന്ന പേരും ഇട്ട് ശ്രീനിവാസനെയാണ് തിരക്കഥ എഴുതാൻ ഏൽപ്പിച്ചതെന്നും അദ്ദേഹം പറഞ്ഞു.
പാലക്കാടുള്ള ചന്ദ്രശേഖരാണ് ഇങ്ങനെ ഒരു കഥ പറഞ്ഞതും ശ്രീനിവാസനെ തിരക്കഥ എഴുതാൻ ഏൽപ്പിച്ചതും, എല്ലാ ആർട്ടിസ്റ്റുകൾക്കും അഡ്വാൻസ് കൊടുത്തതുമാണ് അതിന് ശേഷമാണ് ഇങ്ങനെ ഒരു ചതി നടന്നത്. മണിയൻപിള്ള രാജുവിന്റെ നിർമ്മാണത്തിൽ ടി.കെ രാജീവാണ് അന്ന് ചിത്രം സംവിധാനം ചെയ്തത്.
സിനിമ കണ്ടപ്പോൾ തന്നെ താൻ ഇതിനെപ്പറ്റി സംസാരിച്ചെങ്കിലും സിനിമ അങ്ങനെയൊക്കെയാണ് എന്നായിരുന്നു മണിയൻപിള്ളയുടെ മറുപടി.
അറിഞ്ഞ് കൊണ്ടാണ് തന്നോട് ഇങ്ങനെയൊരു ചതി ചെയ്ത്. കേസ് കൊടുക്കാൻ എല്ലാവരും പറഞ്ഞിട്ടും താൻ കേസ് കൊടുക്കാതിരുന്നതാണ് പക്ഷേ എന്റെ ശാപം അവർക്ക് കിട്ടിയിട്ടുണ്ടാകും താൻ അത്രയധികം വേദനിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
Read more
പാസഞ്ചർ എന്ന ഹിറ്റ് ചിത്രം നിർമ്മിച്ചത് എസ്.സി പിള്ളയായിരുന്നു. 2009 ലാണ് രഞ്ജിത്ത് ശങ്കർ പാസഞ്ചർ ഒരുക്കിയത് ദിലീപ്, മംമ്ത മോഹൻദാസ്, ശ്രീനിവാസൻ, നെടുമുടി വേണു തുടങ്ങിയവരാണ് ചിത്രത്തിൽ അഭിനയിച്ചത്. ത്രില്ലർ മൂഡിലുള്ള ചിത്രം ഇന്നും സിനിമാ ആസ്വാദകന് പ്രിയപ്പെട്ടതാണ്
