ധനുഷ്, പവൻ കല്യാൺ, പൃഥ്വിരാജ് ഇവർ മൂന്ന് പേരും തമ്മിൽ സാമ്യതകളുണ്ട് സംയുക്ത മേനോൻ. ഫിലിമ് വുഡ്സിനു നൽകി അഭിമുഖത്തിലാണ് മൂന്ന് പേരും തമ്മിലുള്ള സമ്യത്തെക്കുറിച്ച് സംയുക്ത വെളിപ്പെടുത്തിയത്. മറ്റുള്ള താരങ്ങളെ അപേക്ഷിച്ച് പൃഥ്വിരാജിന് എന്തെങ്കിലും വിത്യസ്തയുണ്ടോ എന്ന ചോദ്യത്തിനാണ് നടി മറുപടി നൽകിയത്.
താനിക്കൊപ്പം വർക്ക് ചെയ്തിട്ടുള്ള എല്ലാ നടൻമാർക്കും അവരവരുടേതായ, വിത്യസ്തതയും പ്രേത്യകതയുണ്ട്. ധനുഷ്, പവൻ കല്യാൺ, പൃഥ്വിരാജ് ഇവർ മൂന്ന് പേരും തമ്മിൽ എനിക്ക് സാമ്യതകൾ തോന്നിയിട്ടുണ്ട്. മൂന്ന് പേർക്കും സിനിമ അത്രമേൽ പ്രിയപ്പെട്ടതാണെന്നും സംയുക്ത പറഞ്ഞു.
മാത്രമല്ല മൂന്നാളും സിനിമ സംവിധാനം ചെയ്തിട്ടുണ്ട്, നിർമ്മിക്കുന്നുണ്ട്, അഭിനയിക്കുന്നുമുണ്ടെന്നും സംയുക്ത കൂട്ടിച്ചേർത്തു. പൃഥ്വിരാജിനെ നായകനാക്കി ഷാജി കെെലാസ് ഒരുക്കിയ കടുവയാണ് സംയുക്തയുടെ ഏറ്റവും ഒടുവിൽ പുറത്തിറങ്ങിയ ചിത്രം.
Read more
ചിത്രത്തിൽ പൃഥ്വിരാജിന്റെ ഭാര്യയായ എല്‍സ എന്ന കഥാപാത്രത്തെയാണ് സംയുക്ത അവതരിപ്പിച്ചത്. മാജിക് ഫ്രെയിംസ്, പൃഥ്വിരാജ് പ്രൊഡക്ഷന്‍സ് എന്നിവയുടെ ബാനറില്‍ ലിസ്റ്റിന്‍ സ്റ്റീഫനും സുപ്രിയ മേനോനും ചേര്‍ന്നാണ് കടുവ നിര്‍മിച്ചത്.
