രജനികാന്താണ് എനിക്ക് എക്കാലവും സൂപ്പർസ്റ്റാർ, അത് മാറ്റാൻ പറ്റില്ല; 'സൂപ്പർസ്റ്റാർ' വിവാദത്തിൽ പ്രതികരണവുമായി സത്യരാജ്

By
എന്‍റര്‍ടൈന്‍മെന്‍റ് ഡെസ്ക്
|

തമിഴ് സിനിമയിലെ ‘സൂപ്പർ സ്റ്റാർ’ പദവിയെക്കുറിച്ചുള്ള വിവാദങ്ങളിൽ പ്രതികരണവുമായി നടൻ സത്യരാജ്. കഴിഞ്ഞ 45 വർഷങ്ങളായി സൂപ്പർ സ്റ്റാർ എന്ന് കേൾക്കുമ്പോൾ ആളുകളുടെ മനസിലേക്ക് വരുന്നത് രജനികാന്ത് മാത്രമാണ് എന്നാണ് താരം പറഞ്ഞത്.

രജനികാന്തിനുള്ള സൂപ്പർസ്റ്റാർ എന്ന വിശേഷണം വിജയ്ക്ക് കൂടി നൽകണമെന്ന് ആവശ്യപ്പെട്ട് ചില ആരാധകർ രംഗത്ത് വന്നതോടെയാണ് വിവാദം പൊട്ടിപ്പുറപ്പെട്ടത്. ഇതിന് പിന്നാലെ താരങ്ങളടക്കം നിരവധി പേരാണ് വിഷയത്തിൽ പ്രതികരണവുമായി രംഗത്തു വന്നത്.

‘കൂടുതൽ ശമ്പളം വാങ്ങുകയും ബിസിനസിലും മുന്നിൽ നിൽക്കുന്ന ആളാണ് സൂപ്പർസ്റ്റാർ. കഴിഞ്ഞ 45 വർഷങ്ങളായി സൂപ്പർസ്റ്റാർ എന്ന് കേൾക്കുമ്പോൾ ആളുകളുടെ മനസിലേക്ക് വരുന്നത് രജനികാന്ത് മാത്രമാണ്. അത് മാറ്റാൻ പാടില്ല. സൂപ്പർസ്റ്റാർ എന്നാൽ രജനി സാർ’ എന്നാണ് സത്യരാജ് പറഞ്ഞത്.

Read more

അന്താരാഷ്ട്ര ക്രിക്കറ്റില്‍ ഇനി സഞ്ജുവിന്‍റെ സമയം, വൈകാതെ നായകസ്ഥാനത്തേക്ക്!

കീര്‍ത്തി സുരേഷിന്റെ ബോളിവുഡ് അരങ്ങേറ്റം; അറ്റ്‌ലീയുടെ 'തെരി' ഹിന്ദി റീമേക്ക്, ടീസര്‍

എന്റെ നമ്പര്‍ ജോജു ബ്ലോക്ക് ചെയ്തിരിക്കുകയാണ്, കാരണം അറിയില്ല.. ആദര്‍ശ് നിഷ്‌ക്കളങ്കനല്ല, സൈബര്‍ കൊങ്ങിയാണ്: അഖില്‍ മാരാര്‍

തഗ്ഗിന് വേണ്ടി നിഖിലേച്ചി അങ്ങനെ പറയുന്നതല്ല, ചെറുപ്പം മുതലേ ഇങ്ങനെയാണ്: നസ്‌ലിന്‍

കുളിക്കാന്‍ പോലും കഴിയാതിരുന്ന ദിനങ്ങളുണ്ടായിട്ടുണ്ട്, അപ്പോഴും നൃത്തം മുടക്കിയില്ല... ഒരുതരം വാശിയായിരുന്നു: നവ്യ നായര്‍

‘അംഗാരഗൻ’ എന്ന ചിത്രത്തിന്റെ ചെന്നൈയിൽ വച്ച നടന്ന പ്രസ് മീറ്റിൽ സംസാരിക്കവെയാണ് രജനികാന്തിന്റെ ‘സൂപ്പർസ്റ്റാർ’ പദവിയുമായി ബന്ധപ്പെട്ട വിവാദങ്ങളെക്കുറിച്ച് സത്യരാജ് തുറന്നു പറഞ്ഞത്. തമിഴ് നടൻ പ്രഭുവും സമാനമായ അഭിപ്രായമാണ് അടുത്തിടെ പങ്കുവെച്ചത്. രജനികാന്ത് മാത്രമാണ് സൂപ്പർസ്റ്റാർ എന്നും മറ്റുള്ള നടന്മാർ സൂപ്പർ ആക്ടേഴ്‌സ് ആണെന്നുമായിരുന്നു പ്രഭുവിന്റെ അഭിപ്രായം.