മുകേഷ് അംബാനിയുടെ മകൻ അനിൽ അംബാനിയുടെ മൂന്ന് ദിവസം നീണ്ടും നിൽക്കുന്ന വിവാഹത്തില്‍ പങ്കെടുക്കാന്‍ വിവിധ രാജ്യങ്ങളുടെ പ്രധാനമന്ത്രിമാര്‍, ബില്‍ഗേറ്റ്‌സ്, മാര്‍ക് സക്കര്‍ബര്‍ഗ്, ഇവാങ്ക ട്രംപ്, പോപ് ഗായിക റിഹാന തുടങ്ങീ നിരവധി സെലിബ്രറ്റികളാണ് എത്തിച്ചേർന്നിരിക്കുന്നത്.
കൂടാതെ ഷാരൂഖ് ഖാൻ, ആമിർ ഖാൻ, സൽമാൻ ഖാൻ, സിദ്ധാര്‍ത്ഥ് മല്‍ഹോത്ര, കിയാര അദ്വാനി, സെയ്ഫ് അലി ഖാന്‍, കരീന കപൂര്‍ ഖാന്‍, മാധുരി ദീക്ഷിത്, വരുണ്‍ ധവാന്‍, അനില്‍ കപൂര്‍, സാറാ അലി ഖാന്‍, ഇബ്രാഹിം അലി ഖാന്‍, അനന്യ പാണ്ഡേ, ആദിത്യ റോയ് കപൂര്‍ തുടങ്ങീ നിരവധി താരങ്ങളാണ് ബോളിവുഡിൽ നിന്നും ചടങ്ങിൽ പങ്കെടുക്കാൻ എത്തിയിരിക്കുന്നത്.
ഇപ്പോഴിതാ അംബാനി കല്ല്യാണത്തിന്റെ ആഘോഷപരിപാടികൾക്കിടെ ജയ് ശ്രീ റാം വിളിക്കുന്ന ഷാരൂഖ് ഖാന്റെ വീഡിയോയാണ് സോഷ്യൽ മീഡിയയിൽ ചർച്ചാവിഷയം. ഡാൻസ് ചെയ്യുന്നതിന് മുൻപെ ജയ് ശ്രീറാം എന്ന് അഭിസംബോധന ചെയ്തുകൊണ്ടാണ് ഷാരൂഖ് വേദിയെ കയ്യിലെടുത്തത്. താരത്തിനെതിരെ നിരവധി വിമർശനങ്ങളും ഉയർന്നുവരുന്നുണ്ട്.
Jai Shri Ram to all of you from Shah Rukh Khan 🧡🚩🙏#SRK𓃵 pic.twitter.com/9IHpI2CFdT
— Ashwini Shrivastava (@AshwiniSahaya) March 3, 2024
Read more
“ജയ് ശ്രീറാം, ദൈവം നിങ്ങളെ അനുഗ്രഹിക്കട്ടെ. നിങ്ങള്‍ നൃത്തപരിപാടികള്‍ കണ്ടു. സഹോദരന്മാരും സഹോദരിമാരും നൃത്തം ചെയ്തു. അമ്മാവന്മാരും അമ്മായിമാരും നൃത്തം ചെയ്തു. നായകനും നായികയും നൃത്തം ചെയ്തു. ഒത്തുചേരലിന്റെ ഈ നിമിഷം പ്രാര്‍ത്ഥനയില്ലാതെ തുടരാനാകില്ല” എന്നാണ് ഷാരൂഖ് പറഞ്ഞത്.
