ഹിന്ദി റിയാലിറ്റി ഷോകളിലെ ജഡ്ജിങ് പാനലില്‍ നിന്നും താന്‍ ഒഴിവായതിന്റെ കാരണം വെളിപ്പെടുത്തി ഗായകന്‍ സോനു നിഗം. പ്രകടനം മോശമാണെങ്കിലും മത്സരാര്‍ഥികളെ പ്രശംസിച്ചു സംസാരിക്കണമെന്നും ഇത്തരം സ്തുതിപാടല്‍ തനിക്കു മടുത്തെന്നും സോനു നിഗം പറഞ്ഞു.
22 വര്‍ഷങ്ങള്‍ക്കു മുന്‍പ് റിയാലിറ്റി ഷോ പോലെ ഒരു പരിപാടി ഞാന്‍ അവതരിപ്പിച്ചിരുന്നു. പിന്നീടിങ്ങോട്ട് പല സംഗീത പരിപാടികളുടെയും ഭാഗമായി. വിധികര്‍ത്താവിയിരുന്ന് ഒരേ കാര്യങ്ങള്‍ പറഞ്ഞു ഞാന്‍ മടുത്തു. പാട്ട് മോശമാണെങ്കിലും മത്സാര്‍ഥികളെ പുകഴ്ത്തി സംസാരിക്കണം.
സ്വാര്‍ഥതാല്‍പര്യങ്ങള്‍ക്കു വേണ്ടി നടത്തുന്ന അത്തരം പരിപാടികളുടെ ഭാഗമായി പണം സമ്പാദിക്കാന്‍ ഞാന്‍ ഇഷ്ടപ്പെടുന്നില്ല. പല ഹിന്ദി ഷോകളും ഞാന്‍ ഇഷ്ടപ്പെട്ടിരുന്നു. പക്ഷേ, ഇപ്പോള്‍ ആ ഇഷ്ടം ഇല്ല’, സോനു നിഗം പറഞ്ഞു.
Read more
ഹിന്ദി റിയാലിറ്റി ഷോകളില്‍ നിന്നും പൂര്‍ണമായി വിട്ടുനില്‍ക്കുകയാണ് സോനു നിഗം ഇപ്പോള്‍. സൂപ്പര്‍ സിങ്ങര്‍ സീസണ്‍ 4 എന്ന ബംഗാളി റിയാലിറ്റി ഷോയില്‍ അദ്ദേഹം വിധികര്‍ത്താവായി എത്തുന്നുണ്ട്. ബംഗാളി ഷോകളില്‍ തനിക്കു പ്രതീക്ഷയുണ്ടെന്നുംസോനു നിഗം കൂട്ടിച്ചേര്‍ത്തു.
