താന്‍ ഗര്‍ഭിണിയാണെന്ന വാര്‍ത്ത അടുത്തിടെയാണ് നടി രാധിക ആപ്‌തെ പങ്കുവെച്ചത്. സോഷ്യല്‍ മീഡിയയില്‍ ഫോട്ടോ പങ്കുവെച്ചപ്പോഴാണ് രാധിക ഗര്‍ഭിണിയാണെന്ന് ആരാധകര്‍ അറിഞ്ഞത്. എന്നാല്‍ തനിക്കും ഭര്‍ത്താവിനും കുഞ്ഞ് വേണ്ടായിരുന്നെന്നും ഗര്‍ഭിണിയാണെന്ന് അറിഞ്ഞപ്പോള്‍ ഞെട്ടിയെന്നും താരം വെളിപ്പെടുത്തി.
അഞ്ച് ദിവസം ഉറങ്ങിയിട്ടില്ല. മൂന്നാം ട്രൈമസ്റ്ററില്‍ ഉറക്കമില്ലായ്മ വന്നു. ഉറക്കം തീരെയില്ല. അത് മോശമായിരുന്നു. ഒരു കുഞ്ഞ് ജനിക്കാന്‍ പോകുന്നതിനാല്‍ സന്തോഷമായിരിക്കണമെന്ന് ആളുകള്‍ പറയുന്നു. അവരെ ഇടിക്കാനാണ് എനിക്ക് തോന്നുന്നത്. ഞാനെന്റെ ബുദ്ധിമുട്ടുകള്‍ പറയുമ്പോള്‍ അവര്‍ പറയുന്നത് സന്തോഷത്തോടെയിരിക്കാനാണ്.
എനിക്കും ഭര്‍ത്താവിനും കുഞ്ഞ് വേണ്ടായിരുന്നു. ഗര്‍ഭിണിയാണെന്ന് അറിഞ്ഞപ്പോള്‍ ഞെട്ടി. ഇതുമായി പൊരുത്തപ്പെടാന്‍ സമയമെടുത്തു. അതേസമയം ഭര്‍ത്താവ് തന്റെ കാര്യങ്ങളില്‍ ശ്രദ്ധ കൊടുക്കുന്നുണ്ടെന്നും പൂര്‍ണ പിന്തുണ നല്‍കുന്നുണ്ടെന്നും രാധിക ആപ്‌തെ വ്യക്തമാക്കി.
Read more
2013 ലാണ് രാധിക ബ്രിട്ടീഷ് വയലിനിസ്റ്റ് ബെഡഡിക്ട് ടെയ്‌ലറിനെ വിവാഹം ചെയ്യുന്നത്. വിവാഹ ശേഷം ലണ്ടനിലാണ് ഇവര്‍ താമസിക്കുന്നത്. ഇടയ്ക്ക് രാധിക മുംബൈയിലെത്താറുണ്ട്.
