നടി ഷാലിന്‍ സോയയും പ്രമുഖ തമിഴ് യൂട്യൂബറും പ്രണയത്തില്‍. യൂട്യൂബര്‍ ടിടിഎഫ് വാസനുമായി നടി പ്രണയത്തിലാണെന്ന വാര്‍ത്തകളാണ് ഇപ്പോള്‍ പുറത്തുവരുന്നത്. ഷാലിന്‍ അടക്കമുള്ള താരങ്ങള്‍ പങ്കെടുക്കുന്ന രസകരമായ പാചക റിയാലിറ്റി ഷോകളിലൊന്നാണ് ‘കുക്ക് വിത്ത് കോമാലി’.
‘മൈ ലവര്‍ ഇന്‍ കുക്ക് വിത്ത് കോമാലി’ എന്ന തലക്കെട്ടോടെ ഷാലിനൊപ്പമുള്ള വീഡിയോയാണ് വാസന്‍ തന്റെ യൂട്യൂബ് ചാനലില്‍ പങ്കുവച്ചിരിക്കുന്നത്. ഷാലിനുമായുള്ള ബന്ധം ഈ തലക്കെട്ടിലൂടെ തന്നെ വാസന്‍ സ്ഥിരീകരിച്ചിരിക്കുകയാണ്. കോമാലിയുടെ അഞ്ചാം സീസണിലാണ് ഷാലിന്‍ ശ്രദ്ധ പിടിച്ചുപറ്റുന്നത്.
അതേസമയം, ടെലിവിഷനിലൂടെയാണ് ഷാലിന്‍ കരിയര്‍ ആരംഭിക്കുന്നത്. 2004ല്‍ ‘മിഴി തുറക്കുമ്പോള്‍’ എന്ന സീരിയലിലൂടെയാണ് ഷാലിന്‍ അഭിനയരംഗത്തേക്ക് എത്തുന്നത്. നിരവധി സീരിയലുകള്‍ ചെയ്തതിന് ശേഷമാണ് സിനിമയില്‍ നടി ശ്രദ്ധ നേടുന്നത്.
Read more
‘ഔട്ട് ഓഫ് സിലബസ്’ എന്ന ചിത്രത്തിലൂടെയാണ് ഷാലിന്‍ സിനിമയില്‍ അരങ്ങേറ്റം കുറിക്കുന്നത്. ‘എല്‍സമ്മ എന്ന ആണ്‍കുട്ടി’, ‘മാണിക്യകല്ല്’, ‘മല്ലുസിംഗ്’, ‘ധമാക്ക’ എന്നിവയാണ് നടി ശ്രദ്ധ നേടിയ സിനിമകള്‍. കഴിഞ്ഞ വര്‍ഷം പുറത്തിറങ്ങിയ ‘കണ്ണകി’ എന്ന ചിത്രത്തിലെ നടിയുടെ പ്രകടനവും ഏറെ ശ്രദ്ധ നേടിയിരുന്നു.
