രോമാഞ്ചം എന്ന സൂപ്പർ ഹിറ്റ് ചിത്രത്തിന് ശേഷം ജിത്തു മാധവൻ സംവിധാനം ചെയ്ത് ഫഹദ് ഫാസിൽ നായകനായെത്തുന്ന ‘ആവേശം’ തിയേറ്ററുകളിൽ എത്തിയിരിക്കുകയാണ്. മികച്ച പ്രേക്ഷക പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്.
അൻവർ റഷീദ് എന്റർടൈൻമെന്റ്സ്, ഫഹദ് ഫാസിൽ ആൻഡ് ഫ്രണ്ട്സിന്റെ ബാനറിൽ അൻവർ റഷീദ്, നസ്രിയ നസിം എന്നിവർ ചേർന്നാണ് ചിത്രം നിർമിക്കുന്നത്. ജിത്തു മാധവൻ തന്നെയാണ് ചിത്രത്തിന് തിരക്കഥ രചിച്ചിരിക്കുന്നത്.
ഫഹദ് ഫാസിലിന്റെ ഇന്നേവരെ കാണാത്ത തരത്തിലുള്ള ഒരു കഥാപാത്രമായിരിക്കും ആവേശത്തിലേതെന്നും, അതുകൊണ്ട് തന്നെ ചിത്രീകരണ സമയത്ത് ഫഹദിനെ പൂർണ്ണമായും അഴിച്ചുവിട്ടിരിക്കുകയായിരുന്നെന്നും സംവിധായകൻ ജിത്തു മാധവൻ പറഞ്ഞിരുന്നു. ഇപ്പോഴിതാ അതിനെ സോഷ്യൽ മീഡിയയിലൂടെ ട്രോളിയിരിക്കുകയാണ് ചിത്രത്തിന്റെ പ്രൊഡ്യൂസർ കൂടിയായ അൻവർ റഷീദ്.
ഫഹദ് എവിടെ എന്നെ ചോദ്യത്തിന് അഴിച്ചുവിട്ടിരിക്കുകയാണ് എന്ന ട്രോളാണ് അൻവർ റഷീദ് ഫേയ്സ്ബുക്കിൽ പങ്കുവെച്ചത്. ബംഗളുരുവിലെ ഒരു കോളേജ് പശ്ചാത്തലത്തിലുള്ള കഥയാണ് ആവേശത്തിന്റെ പ്രമേയം. സമീർ താഹിർ ഛായാഗ്രഹണം നിർവഹിക്കുന്ന ആവേശത്തിന് സംഗീതം നൽകുന്നത് സുഷിൻ ശ്യാം ആണ്.
Read more
മൻസൂർ അലി ഖാൻ, ആശിഷ് വിദ്യാർഥി, സജിൻ ഗോപു, പ്രണവ് രാജ്, ഹിപ്സ്റ്റർ, മിഥുൻ ജെ.എസ്., റോഷൻ ഷാനവാസ്, ശ്രീജിത്ത് നായർ, പൂജ മോഹൻരാജ്, നീരജ് രാജേന്ദ്രൻ, തങ്കം മോഹൻ എന്നിവരാണ് ചിത്രത്തിലെ മറ്റ് അഭിനേതാക്കൾ.
