മോഹന്‍ലാലിന്റെ ആദ്യ സംവിധാന സംരംഭമായ ബറോസിന്റെ ചിത്രീകരണം മുന്‍പ് ആരംഭിച്ചതാണ്. വമ്പന്‍ താരനിര അണിനിരക്കുന്ന സിനിമ ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്നു. മോഹന്‍ലാലിനൊപ്പം പൃഥ്വിരാജും പ്രധാന വേഷത്തില്‍ എത്തുന്ന സിനിമയില്‍ വിദേശ താരങ്ങളും എത്തുന്നുണ്ട്. അതേസമയം ബറോസ് അനുഭവം മാസ്റ്റര്‍ ബിന്‍ ചാനലിന് നല്‍കിയ അഭിമുഖത്തില്‍ പങ്കുവെക്കുകയാണ് ആര്‍ട്ട് ഡയറക്ടര്‍ സന്തോഷ് രാമന്‍.
‘ലാലേട്ടന്‍ പറയുന്നതും ചെയ്യുന്നതുമായ കാര്യങ്ങളെല്ലാം ഞങ്ങളെ ഭയങ്കരമായിട്ട് പ്രചോദിപ്പിച്ചിട്ടുണ്ട്. ഒരു സംവിധായകന്‍ സിനിമയുടെ ക്യാപ്റ്റനാണെങ്കില്‍ ആ ഒരു ക്യാപ്റ്റന്‍ഷിപ്പ് പുളളിയുടെ കൈയ്യില്‍ കൃത്യമായിട്ടുണ്ട്. പ്രീ പ്രൊഡക്ഷന്‍ സമയത്തും ലാലേട്ടന്‍ ഉണ്ടായിരുന്നു. ബറോസില്‍ എല്ലാവരും ലെജന്‍ഡ്സാണ്, ജിജോ സാറും, സന്തോഷ് ശിവന്‍ സാറും, ലാലേട്ടനും ഒകെയുളള സിനിമ’.
‘വളരെ സൂക്ഷ്മമായിട്ടുളള കാര്യങ്ങളില്‍ പോലും ലാലേട്ടന്‍ അഭിപ്രായം പറയാറുണ്ടെന്നും’ സന്തോഷ് രാമന്‍ പറഞ്ഞു. ‘അദ്ദേഹത്തിനുളളില്‍ നല്ലൊരു ചിത്രകാരനുണ്ട്. ചിത്രകല ആസ്വദിക്കുന്നവരെ ചിത്രകാരനായി ഞാന്‍ കാണുന്നു’, അഭിമുഖത്തില്‍ കലാസംവിധായകന്‍ വ്യക്തമാക്കി. അതേസമയം കോവിഡ് സാഹചര്യത്തില്‍ ബറോസ് തല്‍ക്കാലത്തേക്ക് നിര്‍ത്തിവെച്ചിരിക്കുകയാണ്.
Read more
നിലവില്‍ പൃഥ്വിരാജ് സംവിധാനം ചെയ്യുന്ന ബ്രോ ഡാഡിയുടെ തിരക്കുകളിലാണ് മോഹന്‍ലാല്‍ ്. ഹൈദരാബാദിലാണ് സിനിമയുടെ ചിത്രീകരണം പുരോഗമിച്ചുകൊണ്ടിരിക്കുന്നത്. ഹാസ്യത്തിന് പ്രാധാന്യം നല്‍കിയുളള ബ്രോ ഡാഡിയില്‍ മോഹന്‍ലാലിനൊപ്പം പൃഥ്വിരാജ്, മീന, കല്യാണി പ്രിയദര്‍ശന്‍, ലാലു അലക്സ്, സൗബിന്‍ ഷാഹിര്‍ തുടങ്ങിയവരാണ് പ്രധാന വേഷങ്ങളില്‍ എത്തുന്നത്.
