ബിഗ് ബോസ് ഷോയില്‍ നിന്ന് രജിത് കുമാര്‍ അപ്രതീക്ഷിതമായി പുറത്തായത് വലിയ വിവാദങ്ങള്‍ക്ക് വഴിതെളിച്ചിരിക്കുകയാണ്. ബിഗ് ബോസ് ഷോ ബഹിഷ്‌കരിക്കുവാനും ഏഷ്യാനെറ്റ് ചാനല്‍ ബഹിഷ്‌കരിക്കാനും ആര്‍മി ഗ്രൂപ്പുകള്‍ ആഹ്വാനം ചെയ്തുകഴിഞ്ഞു.
ആരാധകരുടെ പ്രതിഷേധം ഇപ്പോള്‍ എത്തി നില്‍ക്കുന്നത് മഴവില്‍ മനോരമ സംപ്രേഷണം ചെയ്യുന്ന സുരേഷ് ഗോപി അവതാരകന്‍ ആയെത്തുന്ന “നിങ്ങള്‍ക്കും ആകാം കോടീശ്വരന്‍” എന്ന ഷോയിലാണ്. മോഹന്‍ലാലിനെക്കാള്‍ നല്ലത് സുരേഷ് ഗോപിയാണെന്നും അതിനാല്‍ അദ്ദേഹത്തെ കോടീശ്വരനില്‍ എത്തിക്കണമെന്നുമാണ് അവരുടെ ആവശ്യം.
Read more
മഴവില്‍ മനോരമയുടെ ഫേസ് ബുക് പേജുകളിലെ എല്ലാ വീഡിയോകള്‍ക്കും പോസ്റ്റുകള്‍ക്കും താഴെ രജിത് ആര്‍മി അഭ്യര്‍ത്ഥനയും ആയി എത്തി കഴിഞ്ഞിരിക്കുകയാണ്. ബിഗ് ബോസിന്റെ ഫൈനല്‍ ദിവസം നിങ്ങള്‍ക്കും ആകാം കോടീശ്വരന്റെ ഹോട്ട് സീറ്റില്‍ രജിത് കുമാറിനെ എത്തിക്കാന്‍ കഴിയുമോ എന്നാണ് രജിത് ആര്‍മി മഴവില്‍ മനോരമയോട് അഭ്യര്‍ത്ഥിക്കുന്നത്.
