സൂര്യ നായകനാകുന്ന നാല്‍പ്പത്തി അഞ്ചാമത് ചിത്രത്തെ കുറിച്ച് പുതിയ അപ്‌ഡേറ്റുമായി ചിത്രത്തിന്റെ അണിയറ പ്രവര്‍ത്തകര്‍. ചിത്രത്തില്‍ മലയാളത്തിലെ രണ്ട് സൂപ്പര്‍ താരങ്ങളും അഭിനയിക്കുന്നുണ്ട് എന്നതാണ് പുതിയ വാര്‍ത്ത. ഇന്ദ്രന്‍സും സ്വാസികയുമാണ് മലയാളത്തില്‍നിന്നും സൂര്യ 45 ല്‍ അഭിനയിക്കുന്നത്. പോസ്റ്റര്‍ പങ്കുവെച്ച് അണിയറപ്രവര്‍ത്തകര്‍ തന്നെയാണ് ഇക്കാര്യം പുറത്തുവിട്ടത്.
ആര്‍ ജെ ബാലാജി സംവിധാനത്തിലൊരുങ്ങുന്ന ചിത്രത്തില്‍ തൃഷയാണ് നായിക. ആക്ഷന്‍ എന്റെര്‍റ്റൈനര്‍ എന്നതിനുപരി ഹാസ്യത്തിനും പ്രാധാന്യം നല്‍കുന്ന ചിത്രമാണിതെന്നാണ് സംവിധായകന് ആര്‍ ജെ ബാലാജി പറയുന്നത്. സിനിമയുടെ ചിത്രീകരണം ഇപ്പോള്‍ കോയമ്പത്തൂരില്‍ പുരോഗമിക്കുകയാണ്.
അരുവി, തീരന്‍ അധികാരം ഒണ്‍ട്ര്, കൈതി, സുല്‍ത്താന്‍, ഒകെ ഒക ജീവിതം തുടങ്ങിയ ബ്ലോക്ക്ബസ്റ്ററുകളുടെ നിര്‍മ്മാതാക്കളായ ഡ്രീം വാരിയര്‍ പിക്‌ചേഴ്‌സാണ് ഈ ബിഗ് ബഡ്ജറ്റ് ചിത്രം നിര്‍മ്മിക്കുന്നത്.
Read more
ജി കെ വിഷ്ണുവാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. സായി അഭയങ്കറാണ് സംഗീത സംവിധാനം. 2025 രണ്ടാം പകുതിയില്‍ ചിത്രം റിലീസിനെത്തിക്കാനാണ് പദ്ധതിയിടുന്നത്.
