തെന്നിന്ത്യൻ സിനിമ ചർച്ചകളിൽ ഏറ്റവും ഉയർന്നുകേട്ട രണ്ട് പേരുകളാണ് നയൻതാരയും വിഗ്നേശ് ശിവനും. രണ്ടുപേരുടെയും കല്ല്യാണവും സിനിമാലോകം ഗംഭീരമായി ആഘോഷിച്ചിരുന്നു. ശേഷം വാടക ഗർഭത്തിലൂടെ ദമ്പതികൾക്ക് ഇരട്ട കുട്ടികൾ പിറന്നതും സോഷ്യൽ മീഡിയയിൽ വലിയ ചർച്ചയായിരുന്നു.
എന്നാൽ കുട്ടികളുടെ മുഖം രണ്ടുപേരും ഇതുവരെ വെളിപ്പെടുത്തിയിരുന്നില്ല. ഇപ്പോഴിതാ കുട്ടികളുടെ ഒന്നാം പിറന്നാളിന് രണ്ടുപേരുടെയും മുഖം വെളിപ്പെടുത്തിയിരിക്കുകയാണ് നയൻതാരയും വിഗ്നേശ് ശിവനും.
കുട്ടികളുടെ ജന്മദിനത്തിന് ആശംസ നേർന്നുകൊണ്ടുള്ള ഇൻസ്റ്റഗ്രാം പോസ്റ്റിലാണ് കുഞ്ഞുങ്ങളുടെ മുഖം കാണുന്ന തരത്തിലുള്ള ചിത്രങ്ങൾ പങ്കുവെച്ചത്. എൻ മുഖം കൊണ്ട എൻ ഉയിർ, എൻ ഗുണം കൊണ്ട എൻ ഉലക് എന്നാണ് ചിത്രത്തിന് വിഗ്നേശ് അടിക്കുറിപ്പായി നൽകിയത്.
രുദ്രൊനിൽ എൻ ശിവ, ദൈവിക് എൻ ശിവ എന്നാണ് കുട്ടികളുടെ യഥാർത്ഥ പേര്. ഇത്തരമൊരു വരിയെഴുതി നമ്മുടെ എല്ലാവരുടെയും ചിത്രം പങ്കുവെക്കാൻ ഏറെ നാളായുള്ള കാത്തിരിപ്പിലായിരുന്നു. സന്തോഷകരമായ ജന്മദിനം മക്കൾക്ക് നേരുന്നു. അപ്പയും അമ്മയും വാക്കുകൾക്കതീതമായി നിങ്ങളെ സ്നേഹിക്കുന്നു. നിങ്ങൾ രണ്ടുപേരും കൊണ്ടുവരുന്ന പോസിറ്റിവിറ്റിയും അനുഗ്രഹവും വളരെ വലുതാണ്- വിഗ്നേശ് ശിവൻ കുറിച്ചു.
View this post on Instagram
വാടക ഗർഭപാത്രത്തിലൂടെയുള്ള ജനനമായത്കൊണ്ട് തന്നെ അതിന്റെ എല്ലാ നിയമ നടപടിക്രമങ്ങളും രണ്ടുപേരും പൂർത്തിയാക്കിയിരുന്നുവെന്ന് തമിഴ്നാട് സർക്കാരിന്റെ അന്വേഷണത്തിൽ തെളിഞ്ഞിരുന്നു. 2022 ജൂൺ 9 നായിരുന്നു രണ്ടുപേരുടെയും വിവാഹം. വിവാഹദൃശ്യങ്ങൾ ഉൾപ്പെടുത്തിയ ഡോക്യുമെന്ററി നെറ്റ്ഫ്ലിക്സ് പുറത്തിറക്കുമെന്ന് അന്ന് പറഞ്ഞിരുന്നു. ഗൗതം വാസുദേവ് മേനോൻ ആയിരുന്നു ഡോക്യുമെന്ററി സംവിധാനം ചെയ്തത്.
View this post on InstagramRead more
