ഓസ്‌കാര്‍ പുരസ്‌കാരം ഏറ്റുവാങ്ങിയതിന് ശേഷം വേദിയില്‍ വെച്ച് അമേരിക്കന്‍ വോക്കല്‍ ഇന്‍സ്ട്രുമെന്റല്‍ ജോഡിയായ ദ കാര്‍പെന്റേഴ്‌സിനെക്കുറിച്ച് കീരവാണി പറഞ്ഞ വാക്കുകള്‍ വൈറലായിരുന്നു. കാര്‍പെന്റേഴ്‌സിനെ കേട്ട് വളര്‍ന്ന ഞാനിന്ന് ഓസ്‌കാറുമായി നില്‍ക്കുന്നുവെന്ന് പറഞ്ഞ കീരവാണി ഓസ്‌കര്‍ വേദിയില്‍ അവരുടെ പ്രശസ്ത ഗാനങ്ങളിലൊന്ന് ആലപിക്കുകയും ചെയ്തിരുന്നു. ഇപ്പോഴിതാ കീരവാണിക്ക് അഭിനന്ദനങ്ങളുമായി എത്തിയിരിക്കുകയാണ് സാക്ഷാല്‍ റിച്ചാര്‍ഡ് കാര്‍പ്പെന്റര്‍.
കീരവാണിയെയും ആര്‍ആര്‍ആറിനെയും അഭിന്ദിക്കാനായി കാര്‍പെന്റേഴ്‌സിന്റെ പ്രശസ്ത ഗാനമായ ഓണ്‍ ദ ടോപ്പ് ഓഫ് ദ വേള്‍ഡിന്റെ റീ ഇമാജിന്‍ഡ് വേര്‍ഷന്‍ പാടുന്ന വീഡിയോയാണ് റിച്ചാര്‍ഡ് ഇന്‍സ്റ്റാഗ്രാമില്‍ പങ്കുവെച്ചിരിക്കുന്നത്.
Read more
റിച്ചാര്‍ഡിന്റെ ഈ പോസ്റ്റിന് കമന്റുമായി രാജമൗലിയും എത്തിയിട്ടുണ്ട്. ഓസ്‌കാര്‍ ക്യാംപയ്‌നിടയില്‍ പോലും എന്റെ സഹോദരന് വളരെ ശാന്തനായിരുന്നു. പുരസ്‌കാരം ലഭിക്കുന്നതിന് മുമ്പും ശേഷവും അദ്ദേഹം വികാരഭരിതനായിരുന്നില്ല. എന്നാല്‍ ഇപ്പോള്‍ ഇത് കണ്ടത് മുതല്‍ എന്റെ സഹോദരന് കണ്ണുനീര്‍ നിയന്ത്രിക്കുവാന്‍ സാധിക്കുന്നില്ല. ഇത് ഞങ്ങളുടെ കുടുംബത്തിന്റെ അവിസ്മരണീയ നിമിഷമാണ് അദ്ദേഹം കുറിച്ചു.
