മലയാളത്തിൽ അഭിനയിക്കാൻ മാത്രമല്ല സംസാരിക്കാനും സാധിക്കുമെന്ന് തെളിയിച്ച് ഗുരു സോമസുന്ദരം. നാലാംമുറക്ക് വേണ്ടി മലയാളം ഭാഷ വായിക്കാൻ പഠിച്ച ശേഷം ഡബ്ബ് ചെയ്യുന്ന ഗുരു സോമസുന്ദരത്തിന്റെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറൽ ആയി മാറിയിരിക്കുന്നത്. തമിഴ്നാട് സ്വദേശിയായ താരം മലയാളം സിനിമകളിൽ അഭിനയിക്കാൻ എടുക്കുന്ന എഫോർട്ടിനു കൈയടി നൽകുകയാണ് പ്രേക്ഷകർ.
മിന്നൽ മുരളി എന്ന സിനിമയിലൂടെ ശ്രദ്ധനേടിയ താരമാണ് ഗുരു സോമസുന്ദരം.മലയാളം സിനിമകളിൽ അതിനു മുൻപ് വേഷമിട്ടിട്ടുണ്ടെങ്കിലും, മിന്നൽ മുരളിയിലെ ഷിബു എന്ന കഥാപാത്രം അദ്ദേഹത്തിന് മലയാളി പ്രേക്ഷകരുടെ മനസ്സിൽ ചിര പ്രതിഷ്ഠ നേടികൊടുത്തിരുന്നു. ഇപ്പോഴിതാ ദീപു അന്തിക്കാട് സംവിധാനം ചെയ്യുന്ന നാലാംമുറ എന്ന സിനിമയിലൂടെ വീണ്ടും ഗുരു സോമസുന്ദരം മലയാളത്തിലെത്തുകയാണ്.
ദേശീയ അവാർഡ് ജേതാവ് ബിജു മേനോനും സിനിമയിൽ കേന്ദ്ര കഥാപാത്രത്തിലെത്തുന്നുണ്ട്. ലക്കി സ്റ്റാർ എന്ന ഹിറ്റ് സിനിമക്ക് ശേഷം ദീപു സംവിധാനം ചെയ്യുന്ന ചിത്രമാണ് ‘ നാലാം മുറ’. ഒരു വലിയ താരനിര ഒന്നിക്കുന്ന ചിത്രം അതിന്റെ അവസാനവട്ട പ്രവർത്തനങ്ങളിലാണ്. സൂരജ് വി ദേവ് ആണ് ചിത്രത്തിന്റെ രചന.
View this post on Instagram
Read more
ദിവ്യ പിള്ള , ശാന്തി പ്രിയ, ഷീല എബ്രഹാം, സുരഭി സന്തോഷ്, ഷൈനി സാറ, അലൻസിയർ, പ്രശാന്ത് അലക്സാണ്ടർ എന്നിവരാണ് മറ്റുകഥാപാത്രങ്ങളെ അവതരിപ്പിക്കുന്നത്. കിഷോർ വാരിയത്ത് USA, സുധീഷ് പിള്ള , ഷിബു അന്തിക്കാട് എന്നിവർ ചേർന്നാണ് നാലാം മുറ നിർമിക്കുന്നത് ലോകനാഥൻ ഛായാഗ്രഹണവും കൈലാസ് മേനോൻ സംഗീത സംവിധാനവും നിർവഹിക്കുന്നു. പശ്ചാത്തല സംഗീതം ഒരുക്കിയിരിക്കുന്നത് ഗോപീ സുന്ദർ
