മമ്മൂട്ടി ചിത്രം ‘കസബ’യുടെ തമിഴ് മൊഴിമാറ്റ പതിപ്പ് തിയേറ്ററില്‍ റിലീസിന് ഒരുങ്ങുന്നു. ‘സര്‍ക്കിള്‍’ എന്ന പേരിലാണ് ചിത്രത്തിന്റെ തമിഴ് പതിപ്പ് തിയേറ്ററുകളില്‍ എത്തുന്നത്. നിഥിന്‍ രഞ്ചി പണിക്കരുടെ സംവിധാന അരങ്ങേറ്റ ചിത്രമായിരുന്നു കസബ. സിഐ രാജന്‍ സക്കറിയ എന്ന കഥാപാത്രമായാണ് ചിത്രത്തില്‍ മമ്മൂട്ടി എത്തിയത്.
ആക്ഷന്‍ ത്രില്ലര്‍ ആയി ഒരുങ്ങുന്ന ചിത്രം 2016ല്‍ ആണ് റിലീസ് ചെയ്തത്. തമിഴ്‌നാട്ടില്‍ തിയേറ്ററുകള്‍ തുറന്നു പ്രവര്‍ത്തിക്കാനുള്ള സര്‍ക്കാര്‍ അനുമതിക്ക് പിന്നാലെയാണ് ചിത്രം റിലീസ് ചെയ്യാനുള്ള തീരുമാനം വന്നിരിക്കുന്നത്. സെപ്റ്റംബര്‍ 3ന് ആണ് ചിത്രം റിലീസ് ചെയ്തത്. ട്രെയ്‌ലര്‍ നേരത്തെ പുറത്തെത്തിയിരുന്നു.
നേഹ സക്‌സേന, വരലക്ഷ്മി ശരത്കുമാര്‍, സമ്പത്ത് രാജ്, ജഗദീഷ് എന്നീ താരങ്ങളുമാണ് ചിത്രത്തില്‍ വേഷമിട്ടത്. ചിത്രത്തിന് നേരെ വിവാദങ്ങളും ഉയര്‍ന്നിരുന്നു. ചിത്രത്തില്‍ ഒരു പൊലീസുകാരിയുടെ ബെല്‍റ്റില്‍ പിടിച്ചു വലിച്ചു കൊണ്ട് മമ്മൂട്ടിയുടെ കഥാപാത്രം പറയുന്ന സംഭാഷണം ഏറെ വിവാദമായിരുന്നു.
Read more
ഈ രംഗത്തെ വിമര്‍ശിച്ചു കൊണ്ട് നടി പാര്‍വതി തിരുവോത്ത് നടത്തിയ പരാമര്‍ശവും ശ്രദ്ധിക്കപ്പെട്ടിരുന്നു. ഇതേത്തുടര്‍ന്ന് ഏതാനും മമ്മൂട്ടി ആരാധകരില്‍ നിന്നു പരിഹാസവും ഭീഷണികളും പാര്‍വതിക്കു നേരിടേണ്ടി വന്നിരുന്നു.
