മമ്മൂട്ടി-ബി. ഉണ്ണികൃഷ്ണന്‍ കോംമ്പോയില്‍ ഒരുങ്ങുന്ന ‘ക്രിസ്റ്റഫര്‍’ ചിത്രത്തെ കുറിച്ചുള്ള വ്യാജ വാര്‍ത്തകളെ തള്ളി സിനിമയുടെ അണിയറപ്രവര്‍ത്തകര്‍. ചിത്രം അടുത്ത മാസം റിലീസ് ചെയ്യുമെന്ന് സോഷ്യല്‍ മീഡിയയില്‍ പ്രചരിച്ചിരുന്നു. ഈ വാര്‍ത്തയ്‌ക്കെതിരെയാണ് അണിയറപ്രവര്‍ത്തകര്‍ രംഗത്തെത്തിയിരിക്കുന്നത്.
ക്രിസ്റ്റഫറിന്റെ റിലീസ് തിയതി സംബന്ധിച്ച് നിരവധി ഊഹോപോഹങ്ങള്‍ പ്രചരിക്കുന്നുണ്ട്. എല്ലാം അഭ്യൂഹം മാത്രം. സിനിമയുടെ ബന്ധപ്പെട്ട ഏത് ഔദ്യോഗിക ആശയവിനിമയവും മമ്മൂട്ടിയുടെയും ക്രിസ്റ്റഫറിന്റെയും സോഷ്യല്‍ മീഡിയ ഹാന്‍ഡുകളിലൂടെയായിരിക്കും എന്നാണ് ചിത്രത്തിന്റെ അണിയറപ്രവര്‍ത്തകര്‍ പറയുന്നത്.
ഉദയകൃഷ്ണ ആണ് ചിത്രത്തിന്റെ തിരക്കഥ എഴുതുന്നത്. ആര്‍ ഡി ഇല്യൂമിനേഷന്‍സ് ആണ് നിര്‍മ്മാണം. സ്‌നേഹ, അമല പോള്‍, ഐശ്വര്യ ലക്ഷ്മി എന്നിവരാണ് ചിത്രത്തില്‍ നായികമാര്‍. തെന്നിന്ത്യന്‍ താരം വിനയ് റായ്‌യും ചിത്രത്തില്‍ ഒരു പ്രധാന വേഷത്തില്‍ എത്തും.
ഷൈന്‍ ടോം ചാക്കോ, ദിലീഷ് പോത്തന്‍, സിദ്ദിഖ്, ജിനു എബ്രഹാം, വിനീത കോശി, വാസന്തി എന്നീ താരങ്ങളും മുപ്പത്തിയഞ്ചോളം പുതുമുഖങ്ങളും ചിത്രത്തില്‍ വേഷമിടുന്നുണ്ട്. എറണാകുളം, പൂയംകുട്ടി, വണ്ടിപ്പെരിയാര്‍ എന്നിവിടങ്ങളാണ് ലൊക്കേഷന്‍.
Read more
‘ബയോഗ്രഫി ഓഫ് എ വിജിലന്റ് കോപ്പ്’ എന്ന ടാഗ് ലൈനോടു കൂടിയ ചിത്രത്തില്‍ പൊലീസ് ഓഫീസറുടെ വേഷത്തിലാണ് മമ്മൂട്ടി എത്തുന്നത്. ചിത്രത്തിന്റെ ഛായാഗ്രഹണം ഫൈസ് സിദ്ധിക്ക് ആണ്. സംഗീതം ജസ്റ്റിന്‍ വര്‍ഗീസ്. എഡിറ്റിംഗ് മനോജ്.
