മെറ്റേണിറ്റി ഫോട്ടോഷൂട്ടിൽ ദേവതയെപോലെ തിളങ്ങി സോനം കപൂർ. തന്റെ ആദ്യ കുഞ്ഞിനായി കാത്തിരിക്കുന്ന സോനം കപൂറിന്റെ ചിത്രങ്ങളാണ് സോഷ്യൽ മീഡിയായിൽ വെെറലായി മാറിയിരിക്കുന്നത്. വളരെ വ്യത്യസ്തമായ ഔട്ട്ഫിറ്റാണ് മെറ്റേണിറ്റി ഫോട്ടോഷൂട്ടിനായി സോനം തിരഞ്ഞെടുത്തിരിക്കുന്നത്.
ഓഫ് വൈറ്റ് നിറത്തിലുള്ള സാറ്റൻ മെറ്റീരിയലിലാണ് ഔട്ട്ഫിറ്റ് ഒരുക്കിയിരിക്കുന്നത്. മുത്തുകളും ചെറിയ സീക്വൻസുകളും പിടിപ്പിച്ച സ്കർട്ടും അതിന് ചേരുന്ന രീതിയിൽ മുത്തുകൾ പിടിപ്പിച്ച് പല ലെയറുകളായി ഡിസൈൻ ചെയ്തിരിക്കുന്ന ടോപ്പുമാണ് താരം ധരിച്ചിരിക്കുന്നത്. ഒരു ഗ്രീക്ക്
ദേവതയെ പോലെ അതീവ സുന്ദരിയായാണ് സോനത്തിനെ ചിത്രത്തിൽ കാണുന്നത്. വസ്ത്രത്തിന്റെ ഡിസൈനർ ബ്രാൻഡായ അബു ജാനി സന്ദീപ് ഖോക്ലയാണ് ചിത്രങ്ങൾ ഇൻസ്റ്റഗ്രാമിലൂടെ പങ്കുവച്ചിരിക്കുന്നത്.
മാർച്ചിലാണ് താൻ അമ്മയാകാൻ പോകുന്ന വിവരം സോനം കപൂർ ആരാധകരെ അറിയിച്ചത്. വ്യവസായിയായ ആനന്ദ് അഹൂജയാണ് സോനത്തിൻറെ പങ്കാളി. 2018ലായിരുന്നു ഇരുവരുടെയും വിവാഹം നടന്നത്. വിവാഹശേഷം സിനിമകളിൽ താരം അത്ര സജീവമായിരുന്നില്ല. സോനത്തിന് ആശംസകൾ നേർന്ന് നിരവധി പേരാണ് രംഗത്തെത്തിയിരിക്കുന്നത്
View this post on InstagramRead more
