നീണ്ട പതിനെട്ട് വർഷത്തെ ദാമ്പത്യ ജീവിതത്തിന് ശേഷം 2022 ജനുവരിയിലാണ് തെന്നിന്ത്യൻ സൂപ്പർ താരം ധനുഷും രജനീകാന്തിന്റെ മകളുമായ ഐശ്വര്യ രജനികാന്തും വിവാഹബന്ധം വേർപിരിയുന്നത്. പിരിഞ്ഞതിന് ശേഷം ധനുഷും ഐശ്വര്യ രജനികാന്തും വീണ്ടുമൊന്നിക്കുന്നു എന്ന തരത്തിൽ ഒരുപാട് വാർത്തകൾ ഈയടുത്ത് പ്രചരിച്ചിരുന്നു. സൂപ്പർ സ്റ്റാർ രജനികാന്ത് ആണ് രണ്ടുപേരെയും ഒന്നിപ്പിക്കാൻ ചർച്ചകൾ നടത്തുന്നത് എന്ന തരത്തിലും വാർത്തകൾ പ്രചരിച്ചിരുന്നു.
ഇപ്പോഴിതാ അത്തരം അഭ്യൂഹങ്ങൾക്ക് ഒരു അവസാനമായിരിക്കുകയാണ്. ധനുഷും ഐശ്വര്യയും വീണ്ടും ഒന്നിക്കില്ലെന്നാണ് നാഷണൽ മീഡിയകൾ റിപ്പോർട്ട് ചെയ്യുന്നത്. രണ്ടുപേർക്കും മറ്റൊരു വിവാഹം കഴിക്കാൻ താൽപര്യം തോന്നുന്നത് വരെ ഡിവോഴ്സ് ഫയൽ ചെയ്യില്ലെന്നാണ് റിപ്പോർട്ടുകൾ പറയുന്നത്.
അതുവരെ രണ്ട് മക്കളെയും മാറി മാറി നോക്കാനാണ് ഇരുവരുടെയും തീരുമാനം. ഒരുമിച്ച് താമസിക്കുന്നില്ലെങ്കിലും പരസ്പര ബഹുമാനത്തോടെയാണ് അവരിപ്പോൾ മുന്നോട്ട് പോയികൊണ്ടിരിക്കുന്നത്. മക്കളുടെ ജീവിതത്തിൽ ഒരു ശൂന്യത ഇല്ലാതെയിരിക്കാൻ രണ്ടുപേരും പരമാവധി ശ്രമിക്കുന്നുണ്ട്. യാത്ര, ലിംഗ എന്നീ രണ്ടുമക്കളാണ് ധനുഷിനും ഐശ്വര്യയ്ക്കും ഉള്ളത്.
Read more
ഡിസംബറിൽ റിലീസിന് തയ്യാറാവുന്ന ‘ക്യാപ്റ്റൻ മില്ലർ’ ആണ് ധനുഷിന്റെ ഏറ്റവും പുതിയ ചിത്രം. ‘പാ പാണ്ടി’ക്ക് ശേഷം ധനുഷ് സംവിധാനം ചെയ്യുന്ന ചിത്രത്തിൽ ധനുഷ് തന്നെയാണ് പ്രധാന വേഷത്തിലെത്തുന്നത്. ധനുഷിന്റെ കരിയറിലെ അൻപതാമത്തെ ചിത്രം കൂടിയായിരിക്കും ‘ഡി 50’ എന്ന് ടാഗ് ലൈൻ കൊടുത്തിരിക്കുന്ന ചിത്രം.
അതേസമയം പുതിയ ചിത്രമായ ‘ലാൽ സലാ’മിന്റെ പോസ്റ്റ് പ്രൊഡക്ഷൻ തിരക്കുകളിലാണ് ഐശ്വര്യ . വിഷ്ണു വിശാലാണ് ചിത്രത്തിൽ പ്രധാന വേഷത്തിലെത്തുന്നത്. രജനികാന്ത് അതിഥി താരമായും ചിത്രത്തിൽ വരുന്നുണ്ട്.
