‘ബാഹുബലി’ക്ക് ശേഷം ആരാധകരെ തൃപ്തിപ്പെടുത്തുന്ന ചിത്രമായാണ് പ്രഭാസ് ഇത്തവണ എത്തുക എന്ന പ്രതീക്ഷയിലാണ് ‘സലാര്‍’ സിനിമയ്ക്കായി ആരാധകര്‍ കാത്തിരിക്കുന്നത്. ബാഹുബലിക്ക് ശേഷം ബോക്‌സ് ഓഫീസില്‍ ചലനം സൃഷ്ടിക്കാന്‍ പ്രഭാസിന് കഴിഞ്ഞിട്ടില്ല.
എന്നാല്‍ പ്രശാന്ത് നീലിന്റെ സംവിധാനത്തില്‍ ഒരുങ്ങുന്ന ചിത്രം ഗംഭീരമാകുമെന്ന പ്രതീക്ഷയില്‍ തന്നെയാണ് ആരാധകര്‍. എന്നാല്‍ ഡിസംബര്‍ 22ന് പുറത്തിറങ്ങുന്ന ചിത്രം ഷാരൂഖ് ഖാന്റെ ‘ഡങ്കി’, ഹോളിവുഡ് ചിത്രം ‘അക്വാമാന്‍’ എന്നിവയ്‌ക്കൊപ്പം ക്ലാഷ് റിലീസ് ആയാണ് തിയേറ്ററുകളില്‍ എത്തുന്നത്. മോഹന്‍ലാല്‍ ചിത്രം ‘നേര്’ ഡിസംബര്‍ 21ന് ആണ് റിലീസ് ചെയ്യുന്നത്.
അതുകൊണ്ട് തന്നെ തിയേറ്ററില്‍ കടുത്ത വെല്ലുവിളിയാകും സലാര്‍ നേരിടുക എന്ന് ഉറപ്പാണ്. എന്നാല്‍ റിലീസ് തീയതി മാറ്റാന്‍ ഉദ്ദേശിക്കുന്നില്ലെന്ന് വ്യക്തമാക്കുകയാണ് ചിത്രത്തിന്റെ നിര്‍മ്മാതാവ് വിജയ് കിരഗണ്ടൂര്‍. ഡിസംബര്‍ 22 റിലീസ് തീയ്യതിയായി തീരുമാനിച്ചത് ജ്യോതിഷ പ്രകാരമാണെന്ന് നിര്‍മ്മാതാവ് പറയുന്നത്.
Also read
ഉഗ്രം, കെജിഎഫ് എന്നീ ചിത്രങ്ങള്‍ ഒരുക്കിയ പ്രശാന്തിന് അതില്‍ നിന്നും വ്യത്യസ്തമായി പുതിയ സിനിമ ചെയ്യേണ്ടത് എങ്ങനെയാണെന്ന് അറിയാമെന്ന് നിര്‍മാതാവ് പറഞ്ഞു. സലാര്‍ റീമേക്ക് ആണെന്നത് തെറ്റാണെന്നും അദ്ദേഹം വ്യക്തമാക്കി.
Read more
അതേസമയം, ദേവ എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. ചിത്രത്തില്‍ വരദരാജ മന്നാര്‍ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. ണ്ട് സുഹൃത്തുക്കളുടെ കഥയാണ് സലാര്‍ പറയുന്നത് എന്ന് പ്രശാന്ത് നീല്‍ വ്യക്തമാക്കി.
