പ്രഭാസ് നായകനാകുന്ന ബിഗ് ബഡ്ജറ്റ് ചിത്രം “സാഹോ”ക്ക് ഗംഭീര സ്വീകരണം ലഭിക്കുമെന്ന് ഫിലിം ട്രേഡ് അനലിസ്റ്റുകള്‍. സാഹോയുടെ ആദ്യ ദിനം തഗ്‌സ് ഓഫ് ഹിന്ദുസ്ഥാന്‍, അവര്‍ഞ്ചേസ് എന്നീ ചിത്രങ്ങളുടെ റെക്കോര്‍ഡ് തകര്‍ക്കുമെന്ന് ഫിലിം ട്രേഡ് അനലിസ്റ്റ് ഗിരിഷ് ജോഹര്‍ വ്യക്തമാക്കി. ആദ്യ ദിനം തന്നെ 60-70 കോടി കളക്ഷന്‍ നേടുമെന്നാണ് ഗിരിഷ് പറയുന്നത്.
ഒരു ഉത്സവ റിലീസായോ ഹോളിഡേ റിലീസായോ അല്ല ചിത്രം എത്തുന്നതെങ്കിലും നല്ല കളക്ഷന്‍ ലഭിക്കാന്‍ സാധ്യതയുണ്ട്. തെന്നിന്ത്യയിലും ഹിന്ദിയിലും ചിത്രം മികച്ച കളക്ഷന്‍ തന്നെ നേടുമെന്ന് ഗിരിഷ് ഒരു അഭിമുഖത്തിനിടെ വ്യക്തമാക്കി. ആഗസ്റ്റ് 30ന് ഇന്ത്യ ഒട്ടാകെ റിലീസ് ചെയ്യുന്ന സാഹോക്കായി ആവേശത്തോടെ കാത്തിരിക്കുകയാണ് ആരാധകര്‍.
Read more
സുജീത്ത് സംവിധാനം ചെയ്യുന്ന ചിത്രം യുവി ക്രിയേഷന്‍സാണ് നിര്‍മിക്കുന്നത്. ജാക്കി ഷ്രോഫ്, ലാല്‍, നീല്‍ നിതിന്‍ മുകേഷ്, മന്ദിര ബേദി, ചങ്കി പാണ്ഡേ, മഹേഷ് മഞ്ജറേക്കര്‍, അരുണ്‍ വിജയ്, മുരളി ശര്‍മ തുടങ്ങിയവരും ചിത്രത്തില്‍ വേഷമിടുന്നു. പ്രശസ്ത ഹോളിവുഡ് ആക്ഷന്‍ കോ-ഓര്‍ഡിനേറ്റര്‍ കെന്നി ബേറ്റ്സാണ് ചിത്രത്തിന്റെ ആക്ഷന്‍ കൊറിയോഗ്രാഫര്‍. തെലുങ്ക്, ഹിന്ദി, തമിഴ്, മലയാളം എന്നീ ഭാഷകളിലായാണ് ചിത്രം റിലീസ് ചെയ്യുന്നത്.
