കെപി വ്യാസന്റെ സംവിധാനത്തില്‍ ദിലീപ് നായകനായെത്തിയ ശുഭരാത്രി തീയേറ്ററുകളില്‍ മികച്ച പ്രതികരണം നേടി രണ്ടാം വാരത്തിലേക്ക് കടന്നിരിക്കുകയാണ്. ചിത്രത്തിന്റെ വിജയം ദിലീപ് തന്റെ പുതിയ ചിത്രമായ ജാക്ക് ഡാനിയലിന്റെ സെറ്റില്‍ കേക്ക് മുറിച്ച് ആഘോഷിച്ചു. തമിഴ് നടന്‍ അര്‍ജ്ജുനും വ്യാസനും വിജയാഘോഷവേളയില്‍ ദിലീപിന് ഒപ്പം ഉണ്ടായിരുന്നു. ആഘോഷചിത്രങ്ങള്‍ ദിലീപ് ഫെയ്‌സ്ബുക്ക് പേജിലൂടെ പങ്കുവെച്ചു.
ഈ മാസം ആറിനാണ് ശുഭരാത്രി തിയേറ്ററുകളിലെത്തിയത്. നെടുമുടി വേണു, സായി കുമാര്‍, ഇന്ദ്രന്‍സ്, നാദിര്‍ഷ, അജു വര്‍ഗീസ്, ഹരീഷ് പേരടി, മണികണ്ഠന്‍, സൈജു കുറുപ്പ്, സുധീപ് കോപ്പ, സന്തോഷ് കീഴാറ്റൂര്‍, പ്രശാന്ത്, ശാന്തി കൃഷ്ണ, ആശ ശരത്, ഷീലു എബ്രാഹം, കെപിഎസി ലളിത, തെസ്‌നി ഖാന്‍ തുടങ്ങി വന്‍ താരനിരയാണ് ചിത്രത്തിലുള്ളത്.
Read more
ദിലീപ് നായകനായി എത്തുന്ന ഏറ്റവും പുതിയ ചിത്രമാണ് “ജാക്ക് ഡാനിയല്‍”. തമിഴ് നടന്‍ അര്‍ജുനും ചിത്രത്തില്‍ അഭിനയിക്കുന്നുണ്ട്. എസ് എല്‍ പുരം ജയസൂര്യ ആണ് ചിത്രത്തിന്റെ രചനയും സംവിധാനവും നിര്‍വഹിക്കുന്നത്. ജാക്ക് എന്ന് പേരുള്ള മോഷ്ടാവായാണ് ദിലീപ് ചിത്രത്തിലെത്തുന്നത്. അര്‍ജ്ജുന്‍ സാര്‍ജ സിബിഐ ഓഫീസറുടെ വേഷത്തിലും. ആക്ഷന് വളരെ പ്രാധാന്യമുള്ള ചിത്രത്തിനായി പീറ്റര്‍ ഹെയ്ന്‍, കനല്‍ കണ്ണന്‍, മാഫിയ ശശി സുപ്രീം സുന്ദര്‍ എന്നിങ്ങനെ അഞ്ചു സ്റ്റണ്ട് കൊറിയോഗ്രാഫര്‍മാരാണ് ഉള്ളത്. തമീന്‍സ് ഫിലിംസിന്റെ ബാനറില്‍ ഷിബു തമീന്‍സാണ് ചിത്രം നിര്‍മ്മിക്കുന്നത്.
