ചാര്‍ളിയും എന്ന് നിന്റെ മൊയ്തീനും ഒരുക്കിയ ജോമോന്‍ ടി ജോണിന്റെ മാന്ത്രിക വിഷ്വലുകളും ഷമീര്‍ മുഹമ്മദിന്റെ കിടിലന്‍ എഡിറ്റിങ്ങും ചേര്‍ന്നപ്പോള്‍ മലയാളത്തിനു ലഭിച്ചത് ഒരു മനോഹര ഗാനമാണ്. തണ്ണീര്‍മത്തന്‍ ദിനങ്ങളിലെ “ജാതിക്കാ തോട്ടം…” എന്നു തുടങ്ങുന്ന ഗാനം 15 ലക്ഷത്തിനടുത്ത് കാഴ്ചക്കാരുമായി മുന്നേറുകയാണ്. ട്രെന്‍ഡിംഗില്‍ രണ്ടാമതുള്ള ഗാനം ഇതിനോടകം സോഷ്യല്‍ മീഡിയയില്‍ വൈറലായി കഴിഞ്ഞു.
സുഹൈല്‍ കോയ എഴുതിയ ഈ ഗാനത്തിന്റെ വരികള്‍ക്ക് സംഗീതം പകര്‍ന്നിരിക്കുന്നത് ജസ്റ്റിന്‍ വര്‍ഗീസാണ്. സൗമ്യ രാമകൃഷ്ണനും ദേവദത്ത് ബിജിബാലും ചേര്‍ന്നാണ് ഗാനം ആലപിച്ചിരിക്കുന്നത്. സ്‌കൂള്‍ കാലത്തിന്റെ ഓര്‍മ്മകളിലേക്കും പ്രണയങ്ങളിലേക്കും പ്രേക്ഷകനെ കൊണ്ടു പോകുന്ന ചിത്രം അള്ളു രാമേന്ദ്രന്‍ എന്ന ചിത്രത്തിന്റെ തിരക്കഥാകൃത്തിലൊരാളായ ഗിരീഷ് ആണ് ചിത്രം സംവിധാനം ചെയ്യുന്നത്.
Read more
ഗിരീഷും ഡിനോയ് പൗലോസും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ജോമോന്‍ ടി ജോണ്‍, ഷെബിന്‍ ബക്കര്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
