രജനികാന്ത്, അജിത്, വിജയ്, ധനുഷ്, ശിവകാര്‍ത്തികേയന്‍, വിജയ് സേതുപതി എന്നിങ്ങനെ ഒട്ടുമിക്ക മുന്‍നിര നടന്മാരോടൊപ്പവും അഭിനയിച്ചിട്ടുള്ള താരമാണ് യോഗി ബാബു കോമഡി റോളുകള്‍ക്കൊപ്പം തന്നെ സീരിയസ് റോളുകളും ഒരു പോലെ കൈകാര്യം ചെയ്യാനുള്ള പ്രതിഭ അദ്ദേഹത്തിനുണ്ട്. . വലിമൈ, ബീസ്റ്റ്, കടൈസി വിവസായി, അയളാന്‍, ബൊമ്മൈ നായകി, കാസെത്താന്‍ കടവുളഡ എന്നിവയാണ് യോഗിയുടെ പുതിയ ചിത്രങ്ങള്‍.
ഇപ്പോള്‍ പുറത്തുവരുന്ന പുതിയ റിപ്പോര്‍ട്ട് അനുസരിച്ച് യോഗി ബാബു നായകനാകുന്ന പുതിയ ചിത്രത്തില്‍ ലക്ഷ്മി മേനോന്‍ നായികയാകുമെന്നാണ് എന്നാണറിയുന്നത്. മുരുഗേഷ് ഭൂപതി സംവിധാനം നിര്‍വഹിക്കുന്ന ചിത്രം റൊമാന്റിക് ഗണത്തില്‍പ്പെടുന്ന ചിത്രമാണ്. തികച്ചും വ്യത്യസ്ഥരായ ഒരു കാമുകന്റെയും കാമുകിയുടെയും കഥയാണ് ചിത്രം പറയുന്നത്.
കുംകി എന്ന ചിത്രത്തിലൂടെ അഭിനയരംഗത്തേക്ക് കടന്ന് വന്ന നടിയാണ് ലക്ഷ്മി മേനോന്‍. സുന്ദരപാണ്ഡ്യന്‍, പാണ്ടിയനാട്, കൊമ്പന്‍ തുടങ്ങിയ ചിത്രങ്ങളിലും അഭിനയിച്ചിട്ടുള്ള ലക്ഷ്മി മേനോന്‍ ദിലീപിന്റെ നായികയായി മലയാളത്തിലും അഭിനയിച്ചിട്ടുണ്ട്.
Read more
തല അജിത്തിന്റെ അനിയത്തിയായി അഭിനയിച്ച വേതാളവും ഹിറ്റായിരുന്നു. ഒരു ഗായിക കൂടിയായ ലക്ഷ്മി മേനോന്‍ ആലപിച്ച ഒരു ഊര്‍ല രണ്ട് രാജാ എന്ന ചിത്രത്തിലെ കുക്കുറു സോങ്ങ് ഹിറ്റായിരുന്നു. അഭിനയത്തിനും സംഗീതത്തിനും പുറമേ നല്ലൊരു നര്‍ത്തകി കൂടിയാണ് ലക്ഷ്മി.
