പേരിൽ നിന്നും പിതാവിന്റെ പേര് ഒഴിവാക്കണമെന്ന ഹർജിയുമായി ആഞ്ജലീന ജോളിയുടെയും ബ്രാഡ് പിറ്റിന്‍റെയും മകളായ ഷിലോ ജോളി-പിറ്റ്. ഹോളിവുഡിൽ വലിയ വാർത്തയായ വിവാഹമോചനമായിരുന്നു ആഞ്ജലീന ജോളിയുടെയും ബ്രാഡ് പിറ്റിന്‍റെയും. തുടർന്ന് കഴിഞ്ഞ കുറച്ച് മാസങ്ങളായി ഇരുവരുടെയും മക്കൾ തങ്ങളുടെ പേരിൽ നിന്നും പിതാവിന്റെ പേര് മാറ്റി രംഗത്തെത്തിയിരുന്നു.
ഇപ്പോഴിതാ ഇരുവരുടെയും മൂത്ത മകളായ ഷിലോ ജോളി തനിക്ക് 18 വയസ്സ് തികഞ്ഞെന്നും പേര് മാറ്റാന്‍ അതിയായി ആഗ്രഹിക്കുന്നു എന്നും പറഞ്ഞാണ് ലോസ് ആഞ്ചലസ് കൗണ്ടി സുപ്പീരിയർ കോടതിയിൽ ഹർജി ഫയൽ ചെയ്തത്.
ദത്തെടുത്ത കുട്ടികൾ ഉൾപ്പടെ ആറ് മക്കളാണ് ദമ്പതികൾക്കുള്ളത്. ഇവരിൽ 15 വയസ്സുള്ള മകൾ വിവിയൻ തന്‍റെ പേരിൽ നിന്ന് പിറ്റ് ഒഴിവാക്കിയത് വലിയ വാർത്തയായിരുന്നു. ദി ഔട്ട്സൈഡേര്‍സ് എന്ന മ്യൂസിക്കല്‍ ആല്‍ബത്തിന്‍റെ ഫസ്റ്റ് ലുക്ക് പോസ്റ്ററിലാണ് വിവിയന്‍ പിറ്റ് എന്ന പിതാവിന്റെ പേര് ഒഴിവാക്കിയത്.
